عمرو سعد: مش هشتغل تليفزيون السنة اللي جايه عندي مشاريع سينمائية متعطله

نهال ناصر | فى سينما وتلفزيون

عمرو سعد

الاثنين , 30 مارس 2026 - 11:32 | اخر تحديث: الاثنين , 30 مارس 2026 - 11:31

تحدث الفنان عمرو سعد عن قراره بعدم تقديم أعمال تليفزيونية.

وقال عمرو سعد خلال لقائه في برنامج "الحكاية" مع عمرو أديب: "لحد دلوقتي واخد قرار إني مش هشتغل تليفزيون السنة اللي جايه، مش عارف لما قلت إني مش هشتغل تليفزيون أنا مقولتش اعتزال أنا قلت مش عايز اشتغل تليفزيون لأسباب كتير أهمها إني عطلت مشاريع سينمائية".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضاف عمرو سعد: "أنا بتعطل معرفتش أوفق بين الاتنين، أنا لما بشتغل مسلسل لرمضان مش بروح أصور وخلاص بقعد أفكر واشتغل و6 شهور بتمرن فبيحرق السنة وعندي تعاقدات في السينما عايز أعملها، محتاج أوازن ويبقى عندي أرشيف ورصيد سينمائية محتاج تروح لكل أنواع الجمهور اللي بيروح ليك بتكيت وأنا عندي طاقة أعمل أفلام كتير وفي أفلام عايز أعملها وأطلع بيها برا وفي تعاقدات متعطلة وواخد عربون لازم أعمل أنا صورت فيلم الغربان 4 سنين بسبب التليفزيون".

نرشح لك: عمرو سعد يعتذر عن تصريح "الأعلى مشاهدة": مكانش المفروض أتكلم في ده

على جانب آخر، اعتذر عمرو سعد عن تصريحه السابق بأنه الأعلى قيمة تسويقية ومشاهدة بمسلسل "إفراج"، الذي خاض به سباق رمضان 2026.

وأضاف: "بعتذر إني أعلنت ده لإني حسيت بعدها إني مكانش المفروض أتكلم في ده ... عمرو سعد مش المفروض يقولها لإن أنا مش بطل سوشيال ميديا".

وأضاف عمرو سعد: "نسب المشاهدة بتعرفها كل وكالات الإعلان والمحطات لكن لا تعلن للجمهور معرفش ليه. أنا إتكلمت لإن كان عندي تحدي ذاتي، بعد 10 سنين من مخاطبة الجماهير العريضة البسيطة بنوع معين من عناصر النجاح قلت عايز أرجع للكلاسيكيات زي "الضوء الشارد" و"ليالي الحلمية"، الدراما والتمثيل فقط".

يذكر أن مسلسل "إفراج" مستوحى من أحداث حقيقية، سيناريو وحوار أحمد حلبة، محمد فوزي، أحمد بكر، بطولة عمرو سعد، تارا عماد، حاتم صلاح، أحمد عبدالحميد، دنيا ماهر، عمر السعيد، سماء إبراهيم، عبدالعزيز مخيون، بسنت شوقي، صفوة، علاء مرسي.

اقرأ أيضا:

وفاة فاطمة كشري عن عمر يناهز 68 عاما

سحر رامي: أكبر مقلب تعرضت له من حسين الإمام كان رحيله

هاندا أرتشيل: لم أتعاط المخدرات في أي مرحلة من حياتي وأرفض الاتهامات الموجهة إلي

سالي عبد السلام تطلب الدعاء من جمهورها: "هارون" الصفرا بتعلى جامد وخايفة ياخدوه مني للحضانة

لا يفوتك: "أكشن هتلاقي كوميدي هتلاقي غموض وجريمة برضه هتلاقي ... أفلام عيد الفطر"

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5