رسائل حرة مباشرة لنجوم دراما رمضان 2026

محمد عبد الخالق في سينما وتلفزيون

رسائل حرة مباشرة لنجوم دراما رمضان 2026

الثلاثاء , 24 فبراير 2026 - 14:16 | اخر تحديث: الأربعاء , 25 فبراير 2026 - 11:16

دياب في "هي كيميا":استيفان روستي العصر الحديث ... شرير وخبيث ومش سالك أبدا وفوق ده كمان كوميديان شاطر.

دياب في "هي كيميا"

أحمد مجدي في "الست موناليزا":دور "حسن" صعب جدا ... "التوكسيك" دور جديد على الدراما لا هو طيب ولا هو شرير حاجة كده "دحلابة" متتمسكش.

أحمد مجدي في "الست موناليزا"

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

رحمة محسن في مسلسل "علي كلاي:ماشاء الله رحمة أخدت دور "كاميليا" لحتة تانية ... مش عارف فين الصراحة ولسه بندور عليها، بس هي أي حتة غير التمثيل.

رحمة محسن في "علي كلاي"

"يرضيك أنام جعان":إعلان شركة "الجبنة" اللي قدمه هيثم شاكر وجنات كسب سباق إعلانات رمضان 2026 بالضربة القاضية ولا عزاء لمنفقي الملايين.

هيثم شاكر في الإعلان

عصام عمر في "عين سحرية":خلصت فيك كل الكلام والله ... قريبا جدا النجم الجماهيري الأول في مصر ... ربنا يزيدك وتفضل زي ما انت عصام عمر.

عصام عمر في "عين سحرية"

"تعب" تتر مسلسل "حد أقصى" لمحمد منير:كالعادة يا "ملك" أروع تتر اتقدم في 2026، إحساسك بكلمات الشاعر أحمد شبكة ولحن أحمد حمدي رؤوف يتدرس.

محمد منير وتتر مسلسل "حد أقصى"

ميشيل ميلاد في "هي كيميا":خفة دم مصرية أصيلة ... "محمود العويل" مكانش ضربة حظ ... كوميديان صاعد بقوة ومستنيينك في "النص 2".

ميشيل ميلاد في "هي كيميا"

آسر ياسين في "اتنين غيرنا":شكرا يا آسر إنك لسه بتفكرنا في الدراما إن لسه في شخصيات طبيعية محلقتش شعرها وبتخن صوتها ولبست فانلة كت وبتتكلم بسجع الكهان.

آسر ياسين في "اتنين غيرنا"

مصطفى شعبان:هيتكتب اسمه في تاريخ الفن إنه رائد فن جديد هنسميه "دراما السجع" ... يعني رغم تقديم قصة جديدة كلها إثارة وتشويق يظل ¾ السيناريو عبر وأمثال وحكم تكاتك.

مصطفى شعبان في "درش"

"الإعلانات العائلية":مش عارف الحقيقة عاوزين تقولوا ايه؟ خلونا ساكتين أحسن.

من غير اسم

دراما رمضان 2026:ألف مبروك هتكوني أول سنة في التاريخ يتقدم فيكي مسلسلين لنجمين بيلقحوا على بعض بأدق تفاصيل العلاقة ... بجد أخص.

دراما رمضان 2026

إيهاب فهمي في "أولاد الراعي":عاوز تشوف نموذج حي لكلمة "نضج فني" ... اتفرج على ثعبان قادر على التلون واللدغ في اللحظة المناسبة.

إيهاب فيهمي في "أولاد الراعي"

اقرأ أيضا:

جوري بكر: نفسي أتجوز تاني وأكوّن أسرة

دينا: اتجوزت 9 مرات ومفيش جوازة مستخبية .. بقيت خبيرة في الرجالة

مخرج مسلسل "درش": قللنا جمل مصطفى شعبان السجعية في المسلسل لتصبح 5%

أحمد رمزي: "فخر الدلتا" لا يشبه قصتي الحقيقية ... وتحوله من 15 إلى 30 حلقة لتصاعد أحداثه

لا يفوتك: أسماء جلال قالت إنها هتقاضي برنامج "رامز ليفل الوحش" بسبب تصريحات رامز جلال عنها

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5