هند صبري عن المقارنة مع نادية الجندي بسبب "مناعة": مقدرش دي نجمة الجماهير

نهال ناصر | فى سينما وتلفزيون

هند صبري ونادية الجندي

الأربعاء , 4 فبراير 2026 - 15:23 | اخر تحديث: الأربعاء , 4 فبراير 2026 - 15:23

أكدت الفنانة هند صبري أن مسلسل "مناعة" الذي تنافس به في موسم رمضان 2026 لا يتشابه مع فيلم "الباطنية" الذي قدمته الفنانة نادية الجندي وأنها لاتقارن نفسها أبدا بها.

وقالت هند صبري خلال مداخلة هاتفية ببرنامج "هي وبس" مع رضوى الشربيني عن فكرة المقارنة: "يا خرابي أنا مقدرش حتى أني اتحط في مقارنة مع العملاقة الأستاذة نادية الجندي لما عملت الباطنية أولا دي نجمة الجماهير مينفعش خالص نقرب، الحاجة المشتركة الوحيدة هي الحقبة الزمنية اللي كان فيها حي الباطنية، ممكن الجمهور يقارن لكن اعتقد إننا بنعمل حاجة بطريقة مختلفة تماما وأستاذ حسين المنباوي عنده أدوات بيتعامل بيها غير فيلم عدى عليه سنين، إحنا بنتناول الحقبة دي بأدوات وتكنيك النهاردة، والموضوع مختلف الشخصيتين مختلفتين".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وعن تقديمها هذا العام مسلسل من 15 حلقة أوضحت: "المسلسل 15 حلقة فقط لأنه هو ميتحملش أكتر من كده وإحنا مدخلناش بدري كفاية إن يكون عندنا أكتر من 15 حلقة مكتوبين واعتقد أن عددهم حلو عشان ميبقاش في مط والناس بتحب المسلسلات القصيرة وتكون الأحداث سريعة".

نرشح لك: رمضان 2026 - "كان ياما كان" و"على قد الحب" و"أولاد الراعي" من بينها ... قائمة مسلسلات قناة ON في السباق الرمضاني

هند صبري

وعن فكرة انتقاد الجمهور لتقديم مسلسل عن عالم تجارة المخدرات، دافعت هند صبري عن مسلسلها قائلة: "هي بتاخد جزائها إحنا بنقول إنه نموذج هياخد جزائه بالعكس دا هي قصة صعود وسقوط مدوي وعشان كده الشخصية فيها كل التحديات، في الآخر إحنا بنقدم وجبة فيها تسلية للناس هي حدوته مهياش قضية، حكاية مستوحاة من شخصيات حقيقية مش شخصية بعينها مستوحاة من الواقع وإحنا في حقبة زمنية انتهت، هي هتاخد جزائها تماما".

مسلسل "مناعة" بطولة هند صبري، أحمد صلاح حسني، أحمد خالد صالح، ومها نصار، ومحمد علي رزق، ورياض الخولي، فكرة عباس أبو الحسن، وتأليف عمرو الدالي، وإخراج حسين المنباوي.

اقرأ أيضا:

سوسن بدر أجرت جراحة تركيب مسمار في الفخذ وغموض حول مصير أعمالها في رمضان .. فيديو

إخلاء سبيل الفنان محمود حجازي بكفالة 50 ألف جنيه

رمضان 2026 - محمد عدوية يغني تتر مسلسل "علي كلاي" بطولة أحمد العوضي

كزبرة يرد على منتقديه: الناس مش هتجتمع على شخص واحد

لا يفوتك: لقاء الخميسي تسامح عبد المنصف ... اللي جاي كله حب وشغف وسلام

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5