رسالة عمرو أديب لـ شيرين عبد الوهاب: لو سمعاني أظهري واتكلمي

نهال ناصر | فى حياة المشاهير

عمرو أديب وشيرين عبد الوهاب

السبت , 10 يناير 2026 - 12:40 | اخر تحديث: السبت , 10 يناير 2026 - 12:40

تحدث الإعلامي عمرو أديب عن الفنانة شيرين عبد الوهاب ووجه لها رسالة طالبها فيها بالظهور حتى تطمئن جمهورها عليها.

وقال عمرو أديب خلال برنامجه "الحكاية": "في مسألة تحولت إلى هيستريا موضوع شيرين عبد الوهاب، أنا بحب شيرين ورأيي أنها من أعظم الأصوات اللي ظهرت الـ30 سنة اللي فاتت، أنا من مجانين شيرين، وأظن آخر لقاء طويل عملته كان معايا ولما عملنا اللقاء مكنش فيه أي مشاكل وقعدت من أول اللقاء لآخره مكنش في أي مشاكل ودا ردا على بعض الحاجات اللي اتقالت، اتكلمت في كل حاجة وهي مشكلتها أن لما تكلمها بتتكلم".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

شيرين عبد الوهاب

وتابع عمرو أديب: "في حاجة موجودة على السوشيال ميديا الناس بتنادي على شيرين إنتي فين؟ الأمر فيه حاجتين عندنا مأساة موسيقية أن أغانيها مش موجودة مقفول عليها، خناقة ما وحقوق، وفي مسألة داخلية بحمل شيرين مسئوليتها هي شيرين فين وحالتها الاجتماعية إيه ونشاطها فين؟ شيرين مختفية الأمور متسابة، شوية يطلع بيان يتقال أنه بصوتها وشوية يتقال دا ai أو يطلع بيان عنها ثم يصدر تكذيب".

نرشح لك: أحمد عبد الحميد يعلن رحيل ابنته: مش عارف ربنا بيحبني ولا مش بيحبني عشان ياخد مني أبويا وبنتي في أسبوعين

وأكمل عمرو أديب: "يا شيرين أنا مابقولكيش اتكلمي معايا أنا مش مستني سبق لكن حرام يا بنتي أنا حاسس أن شيرين بتخلص أنا معرفش هي فين ومين معاها ومرتبطة بمين وصحتها عاملة إزاي ومحدش يعرف حاجة، شيرين دي ثروة مصرية وثروة عربية أنا شايف أن في حالة من حالات الإنكار ناس بتقول سيبوها في حالها طيب هي فين؟".

واختتم عمرو أديب كلامه: "طبعا الخير والبركة في المطربات الموجودين وعندنا مطربات عظيمات مش عايز أدخل في مقارنات، لكن حرام شيرين ولا حد عارف يوصلها أو يكلمها ويراضيها ويفرج عن أغانيها الوضع بقى عادي، شيرين مش موجودة وأغانيها راحت ومنعرفش عنها حاجة ويمضي الأمر، أنا بدق ناقوس الخطر، حد يلاقيلنا شيرين أو لو سمعاني أظهري يا شيرين واتكلمي مش معايا دي مش دعوة لبرنامج، أبحثوا معي عن شيرين".

اقرأ أيضا:

فيديو - رسالة رضوى الشربيني لإيمان الزيدي عقب إعلان طلاقها من محمد عبد المنصف: فين صور الزواج يا فنانة؟ ... لقاء الخميسي مش بتاعة طلاق

فيديو - رسالة دعم من رشوان توفيق لياسمين عبد العزيز: حطي الكلام والانتقادات تحت رجلك

فيديو - رامي إمام يكشف رأي والده عادل إمام في خوضه تجربة التمثيل: أبويا قال لي متمثلش تاني

رامي عياش: ندمت على لقائي مع شيرين عبد الوهاب ... مش أي حدا بيغني بيعطوه برنامج

لا يفوتك: للأطفال فوق الـ 20 سنة ... 3 أفلام أنيميشن لازم تشوفهم

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5