مروة صبري تهاجم دينا الشربيني: لقبك بقى "خرابة البيوت"

نهال ناصر | فى حياة المشاهير

مروة صبري ودينا الشربيني

الاثنين , 1 يناير 0001 - 00:00 | اخر تحديث: الثلاثاء , 11 نوفمبر 2025 - 14:51

هاجمت المذيعة مروة صبري الفنانة دينا الشربيني بسبب ما يقال عن عودة علاقتها بالفنان كريم محمود عبد العزيز.

وخلال برنامجها "قعدة ستات" قالت مروة صبري: "الموضوع دا يزعل أوي من حق كل واحد أنه يحب ويتحب وينهار في العواطف والغرام لكن مش من حق حد أنه يخرب بيت حد، أوحش حاجة لما تلاقي ست بتحب راجل متجوز ومستقر وعنده أولاد بيحبوه وبيحبهم وزوجته الأولى كان في قصة حب بتجمعهم من وهما صغيرين من وهو لسه بيبدأ يطلع ويقول يا هادي في الوسط الفني كانت واقفة معاه وفي ضهره بنت كويسة وبنت ناس محترمة، ونفاجأ أن كريم محمود عبد العزيز دخل في قصة حب مع دينا الشربيني والقصة اتقفلت ورجع لمراته تاني والناس سقفت وقالت برافو، وفجأة يرجع تاني لدينا الشربيني والموضوع يتقال قصاد الناس كلها ومحدش يفرق معاه حاجة خالص وأن البيت يتخرب يتخرب".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت مروة صبري موجهة بعض الأسئلة لدينا الشربيني قالت فيها: "أنا عندي شوية أسئلة لدينا الشربيني ضاقت بيكي الدنيا وسيبتي كل رجالة الكون اللي مش متجوزين وروحتي للراجل اللي متجوز اللي بيحب مراته وولاده ومرتبط بيهم، ودي مش أول مرة أنتي اسمك دايما مرتبط أنك طول الوقت على علاقات برجالة متجوزين أي حد بيتشتغلي معاه بيطلع إشاعة أنه دينا على علاقة بفلان بدون ذكر أسامي، انتي دايما بتروحي تشوفي مين الراجل المتجوز وتخربي بيته لدرجة أنك للأسف الشديد أخدتي لقب "خرابة البيوت"".

نرشح لك: كريم محمود عبد العزيز يعلن انفصاله عن زوجته: الطلاق شرع ربنا

وأكملت: قررتي أنك تاخدي الراجل من مراته وتعيشي معاه قصة حب والموضوع باظ والناس كلها اتكلمت، لأ رجعتيه تاني باسم "الهنا اللي أنتوا فيه" الصراحة كان فيلم وشه وحش على كريم وبيته وولاده، الهنا اللي أنتوا فيه تحول أن كريم بيطلق مراته عشان يتجوزك وأنتي بالنسبة ليكي الموضوع عادي جدا ومش فارق معاكي، طيب هنقول أنك بتحبيه ومش قادرة تبعدي عنه مفكرتيش أنك بتبني سعادتك على تعاسة وقهر ست تانية مفكرتيش تحطي نفسك مكانها مفكرتيش في ولاده اللي بيدعوا عليكي وبيشتموكي قدام السوشيال ميديا كلها، ولا أي حاجة هزتك من جواكي، الإنسان اللي بيحب الرومانسي العاطفي بيفكر في اللي حواليه مبيبقاش أناني أنا هاهد الراجل دا من بيته ومش مهم البيت يخرب، دا اللي أنتي عملتيه كسبتي عداوة الجمهور كل الناس بتتكلم عنك بشكل غير لائق والناس بقت بتكرهك لأنك خربتي بيت ومفيش حد قادر يسامحك أو متعاطف معاكي، أنا معرفش ليه عملتي كده مش من قلة الرجالة أنتي عندك مساحة أنك تتجوزي أي حد أنتي فنانة حلوة ودمك خفيف تقدري أنك تحبي أي حد الموضوع موقفش عند الراجل المتجوز، مش تحدي أنك تنتصري على مراته في حين أن هو مش حقك أصلا، هتقولوا الراجل هو الصح وهي غلط، حتى لو هو غلط ورجعك للعلاقة دي تاني اسحبي نفسك أنتي ست المفروض تحسي بالست اللي زيك إنما جو كيد الستات دا أنا مش قادرة أصدق داخله معركة عايزة تكسبيها".

دينا الشربيني

وأكملت: "ناس كتير بتقول الراجل بيتخطف مفيش راجل بيتخطف بيروح بمزاجه، اللي يقرر يخرب بيته بإيده بيغير مود مع زن الست التانية اللي هي دينا الشربيني اللي عايزة تتجوز ودا اللي حصل".

وأضافت: "الهجوم كله للأسف اتاخد على دينا مش كريم والناس متعاطفه معاه لأنهم شايفين أنك مسيطرة وبتزني عشان يرجعلك، انتي تعلمي أن بيته اتخرب بسببك وبتكرري التجربة ووصلتي بنته أنها تطلع تشتمك عايزة إيه تاني، كلمة زي دي كفيلة أنك تاخدي بعضك وتمشي، وأنا بقولك أهو أول ما تتجوزوا رسمي هتمشي ومش هتكملوا واللي كسبتيه عداوة الجمهور وبناته".

كريم محمود عبد العزيز وزوجته

وأكملت: "أنا كريم رغم إني بقول أن مفيش راجل بيتخطف، لكن هو صعبان عليا مين عارف مش يمكن معموله عمل ولا سحر محدش عارف حاجة، كل الناس اللي بتحب كريم محمود عبد العزيز أقفوا جنبه شدوه من المصيبة دي، ويا دينا الشربيني اتقي ربنا كفاية اللي عملتيه وبتعمليه ومتعرفيش اللي جاي عليكي هيبقى عامل إزاي".

يذكر أن كريم محمود عبد العزيز أعلن انفصاله عن زوجته آن.

اقرأ أيضا:

فيديو - نقيب موسيقيي المنيا يكشف اللحظات الأخيرة من حياة إسماعيل الليثي: الحالة كانت حرجة منذ البداية حتى لحظة الوفاة

فيديو - تفاصيل التقرير الطبي للراحل إسماعيل الليثي ... تهتك في الرئة وكسر في الجمجمة

وفاة نجله أكبر صدمة في حياته وتمنى اللحاق به وتوفي بعده بعام ... من هو إسماعيل الليثي الذي فارق الحياة بعد حادث تصادم؟

محمد سعد وعمرو سعد وميرفت أمين من بينهم ... نجوم الفن يقدمون واجب العزاء لمحمد رمضان في وفاة والده

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5