محمد السعدي المشرف العام على احتفالية افتتاح المتحف المصري الكبير: بعتذر عن أخطاء كان لازم نوضحها

نهال ناصر | فى سينما وتلفزيون

محمد السعدي

الاثنين , 3 نوفمبر 2025 - 15:11 | اخر تحديث: الاثنين , 3 نوفمبر 2025 - 15:11

رد محمد السعدي المشرف العام على احتفالية افتتاح المتحف المصري الكبير.

ووجه محمد السعدي اعتذاره عن بعض الأخطاء التي حدثت وقال: "أنا رصدت طبعا التعليقات والأغلبية شايفة أن في توفيق الحمد لله في ناس اتكلمت على الإخراج وأحب أوضح قد يكون في سوء فهم حصل، الاحتفالية ابتدت الساعة 5 ونص المغرب، وإحنا نقلنا هواء الساعة 7، ومن الساعة 7 للساعة 7ونص محليا فقط نقلنا ملخص اللي حصل من الساعة 5 ونص الاستقبالات، لأن عشان نفتح هواء قبلها بساعتين مكنش هيبقى شيء جيد، الحقيقة كان المفروض نوضح ونكتب على الشاشة أن اللقطات منذ قليل، مش كل الناس عندها خبرة أن دا مسجل ولا هواء، لقينا الناس بتتكلم على الإخراج في ما قبل الاحتفالية وكان لازم نقول أنها لقطات مسجلة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابع محمد السعدي: " من الساعة 7 لحد 7ونص كنا بننقل محليا، من الساعة 7 ونص إدينا إشارات البث للعالم كله دا بالاتفاق معاهم، فلما إديناهم البث بدأنا بالمخلص فالناس ابتدت تتكلم على الإخراج وأن اللقطات متعادة، وكان لازم ننوه إننا ابتدينا نبث عالميا.

نرشح لك: #شرطة_الموضة: روبي بفستان طويل بفتحة جانبية لأعلى الفخذ وبلا أكمام ... سعره 58 ألف جنيه

وأكمل محمد السعدي: "كمان في حاجة زي اللي اتكتب وقت ظهور دكتور خالد عناني، الناس انتقدت إننا كتبنا كلمة المرشح لمنصب مدير اليونيسكو وهو مدير اليونيسكو، لأ هو لسه هيبقى مدير اليونيسكو يوم 15 نوفمبر، هو المرشح المنتخب من اليونيسكو يوم 15 يتقلد المنصب، وهو اللي قال بنفسه أن منقدرش نقول مدير اليونيسكو".

واختتم محمد السعدي حديثه: "في تفاصيل كتيرة لما نحكيها الناس هتفهم أكتر، وأنا بعتذر عن ده كان المفروض نوضح الأمر".

وأقيمت احتفالية افتتاح المتحف المصري الكبير مساء السبت 1 نوفمبر، بحضور قادة أكثر من 70 دولة، وشهد الحفل مشاركة الفنانة شريهان وعدد من النجوم.

اقرأ أيضا:

#شرطة_الموضة: أحمد سعد بقميص من الحرير برسومات المعابد اليونانية … سعره 48 ألف جنيه

أشرف عبد الباقي وحنان مطاوع وشيري عادل من بينهم ... انطلاق النسخة الثانية لمهرجان VS-FILM للأفلام القصيرة بحضور النجوم

العائلة تأتي أولا ... كايروكي يعلن تأجيل جولة أوروبا بسبب حالات الوفاة لأسرة أعضاء الفريق

بعد تعرضه للانتقادات ... مازن المتجول مخرج حفل افتتاح المتحف المصري الكبير: وارد يكون في أخطاء

لو فاتك: الحلقة الثانية من برنامج "غالب ولا مغلوب" ... المنافسة دخلت مراحل مهمة ومفاجآت في النتايج 🙋‍♂️

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5