وفاء عامر تخرج عن صمتها وتتحدث عن إبراهيم شيكا: اتعرضت لقلة أدب وظلم وليه المسح الذري الأخير لشيكا متعرضش

نهال ناصر | فى حياة المشاهير

وفاء عامر

الأحد , 7 سبتمبر 2025 - 11:15 | اخر تحديث: الأحد , 7 سبتمبر 2025 - 11:15

دافعت الفنانة وفاء عامر عن نفسها فيما حدث مع أزمتها في قضية وفاة اللاعب إبراهيم شيكا.

وقالت وفاء عامر في مداخلة هاتفية ببرنامج "الشفرة" عبر قناة "الشمس": "أنا مواطنة مصرية اتعرضت لقلة أدب وظلم لا يرضاه أحد عيب".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وفاء عامر

وحكت وفاء عامر عن معرفتها بإبراهيم شيكا: "أنا عرفت إبراهيم شيكا يوم 31 أكتوبر هو اللي دور عليا وهو عارف إني هساعدة ورزق وربنا بعتهولي، مش أنا اللي ساعدته هو اللي ساعدني على خطوة لقدام أوصل بيها لربنا، وعلى فكرة اللي وصلني بيه موجود، أنا كنت زعلانة من نادي "الزمالك" طلع مش مقيد على ذمة نادي الزمالك لأنه ملعبش، أنا عايزة أسأل سؤال هو لعب قد إيه في نادي الزمالك كام ماتش إدوله فلوس قد إيه أنا رحت بيت إبراهيم شيكا الأولاني اللي كانوا مأجرينه بـ4 آلاف جنيه لقيت الحمام مينفعش يدخله واحد مريض، أنتوا بتقولوا أنا متعاطفه ليه مع هبة أنا كنت بعزمه جبر خاطر، بيقولوا هي ليه فاتحة بيتها للناس أنا الناس اللي جابولي بيتي الناس اللي حطوني في المكانة اللي يبقى عندي فيها البيت دا".

نرشح لك: جنات تحتفل بألبومها الجديد "ألوم على مين" وتغني مع نسرين طافش وأحمد بتشان

وتابعت وفاء عامر: "أنا ساعدت لوجه الله ولا أنا عايزة أبقى عضو مجلس شعب ولا أنا عايزة ليا حاجة غير إني فنانة أنا مش هعمل كده تاني مع شخصيات عامة، إبراهيم شيكا كان شخصية عامة، كان بيبعتلي رسايل بيشتكيلي من إخواته وأهله أنا مش عايزة اتكلم".

إبراهيم شيكا

وأضافت: "دي حرب لضرب مؤسسات الدولة دا اللي لازم يتقال والمفروض يتقال شيكا فرد مات في قضاء هيقول كلمته، الأولى من كل دا أن إحنا نفتح الملف ونشوف عند شيكا المسح الذري الأخير ليه متعرضش".

وأكملت وفاء عامر موضحة أن الجميع يستغل اسمها في هذه القضية قائلة: "لو مش اسمي وليا حيثية في مصر مكنش هيبقى دا الشكل اللي هيحاربوا بيه مصر، مش كل اللي بيتقال على السوشيال ميديا حقيقي، أنا اكتشفت أن جمهور السوشيال ميديا حاجة وجمهور الشارع حاجة تانية".