مي عمر: ياريت نبطل المنظر بتاع أنا مختلف وفوق الترندات ... وأول ما نقرب منها نطير من الفرح وننشر 20 ستوري

محمد سليم | فى سينما وتلفزيون

مي عمر

الثلاثاء , 2 سبتمبر 2025 - 22:22 | اخر تحديث: الثلاثاء , 2 سبتمبر 2025 - 22:22

انتقدت النجمة مي عمر سخرية أحد زملائها من السعادة التي يعبر عنها النجوم والفنانون عندما تتحول أعمالهم إلى تريند، في حين أنه عبر عن سعادته بهذا الأمر مؤخرا.

وكتبت مي عمر عبر صفحتها الرسمية في موقع التواصل الاجتماعي فيسبوك: "زميل (مش ممثل) ، وكنت بعتبره صديق، طلع في رمضان كتب بوست بيتريق فيه على الناس اللي بتفرح وتشارك إنها ترند رقم واحد. والبوست كان كله بقى: "الترند مش هدف الشغلانة" وإحنا بنشتغل عشان الفن مش الأرقام".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

بوست مي عمر

وأضافت مي عمر في منشورها: "كلام تنظير وفزلكة على أعلى مستوى. وأنا ساعتها قلت مش هرد، وكنت سايبة الأيام تكشف. عشان كنت عارفة إن عنده مسلسل هيتذاع أوف سيزون، وأول ما يقرب من أي ترند حتى لو دخل رقم عشرة نص ساعة، هيبقى مش مصدق نفسه وهيقعد يشارك ويحتفل كأنه فتح القدس، وفعلاً مكدبش خبر! أول ما مسلسله دخل التريند، بقى بيشارك فرحان إنه "رقم واحد". الله! هو الترند كان وحش في رمضان وبقى جميل دلوقتي؟".

بوست مي عمر

وتابعت مي عمر: "طبعا أنا مش ضد إن أي حد يفرح بنجاحه. بالعكس مبروك والله، ومن حقك تفرح وتشارك لإن ده تعبك ومجهودك. بس ياريت نبطل المنظر بتاع: ":أنا مختلف. أنا فوق الترندات، وبعد كده أول ما نقرب منها نطير من الفرح وننشر 20 ستوري.".

طالع أيضا - #شرطة_الموضة: لمسات بسيطة حولت شورت بسمة بو سيل الرياضي لإطلالة كلاسيكية أنيقة

وأكملت: "وأنا عارفة إن أي حد يعرفني كويس هيستغرب من كلامي، لأني عمري ما رديت على حد. بس بجد ليه إحنا شطار جدًا في إننا نحرّم على غيرنا حاجة، ولما تيجي في ملعبنا تبقى فجأة أحلى حاجة في الدنيا؟ في الآخر الترند مش هدف. غير لما يبقى معانا".

مي عمر

واختتمت مي عمر قائلة: "للتوضيح، كلامي مش موجّه لأي نجوم شاركوا في العمل بالعكس أنا بقدّرهم وباحترمهم علشان ماحدش يفهمني غلط".

مي عمر

يذكر أن مي عمر عرض لها في شهر رمضان الماضي مسلسل "إش إش"، من بطولة مي عمر، ماجد المصري، انتصار، إدوارد، هالة صدقي، دينا، شيماء سيف، طارق النهري، عصام السقا، علاء مرسي، محمد الشرنوبي، ندى موسى، إيهاب فهمي، حمدي هيكل، أحمد عبدالله، وعدد من ضيوف الشرف وهم: محمد ممدوح، خالد الصاوي، كريم فهمي، محمد عبدالرحمن، أحمد زاهر، والعمل من تأليف وإخراج محمد سامي.

اقرأ أيضا:

نيكول سابا تتحدث عن عدم إنجابها للمرة الثانية: الوقت خطفنا

عمرو يوسف: مصطفى غريب حنفية إيفيهات عايزة جلدة ... وأسطورة في اللغة العربية

أحمد السعدني يتحدث عن وفاة طليقته: لطشة

إصابة عصام صاصا بجرح في يده

لا يفوتك: ريمونتادا وخفة دم ونزاهة.. بداية نارية في الحلقة الأولى من "غالب ولا مغلوب"

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5