رسالة مؤثرة من شريف منير لزوج ابنته

نهال ناصر | فى حياة المشاهير

أسما شريف منير ووالدها

السبت , 7 يونيو 2025 - 18:06 | اخر تحديث: السبت , 7 يونيو 2025 - 18:06

وجه الفنان شريف منير رسالة مؤثرة لزوج ابنة أسما، طالبه فيها برعايتها والاهتمام بها.

ونشرت أسما فيديو لوالدها وهو يوجه رسالته لزوجها أحمد شامل عزمي ويوصيه عليها.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

لحظة عقد قران أسما شريف منير

وقال شريف منير: "أسما تعبت وكافحت ووقفت جنبي كتير، أنا عايز اقولكم أنها تعتبر أم ليا وهي اللي بتوجهني وبتظبطلي حياتي، نفسي جدا أن أحمد ياخد باله منها مش طالب منه أي حاجة غير أنه يبقى حنين عليها ومحتويها لأن أنا في يوم من الأيام ربنا يديكم العمر والصحة أنا همشي عايز أبقى مطمن عليها".

View this post on Instagram

A post shared by Fanonline (@fanonline1)

وكانت أسما شريف منير فاجأت جمهورها ومتابعيها باحتفالها بزواجها.

نرشح لك: أسما شريف منير تحتفل بزواجها

نشرت أسما شريف منير صورا من عقد قرانها والاحتفال بزواجها عبر حسابها على Instagram.

وظهرت أسما مع عريسها ووالدها الفنان شريف منير وابنتها "لارا" وأخواتها.

أسما شريف منير تحتفل بزواجها

وكتبت أسما شريف منير: "أنا الحمد لله اتجوزت، وده قرار جه بعد فترة طويلة من رحلة عشتها مع نفسي. من حاجات كتير قوي اتعلمتها، تجارب دخلت فيها، اختيارات وصلت لها، حاجات بقيت بحبها، وحاجات ما بقيتش بحبها. فهمت نفسي أكتر، اتعرفت على نفسي أكتر، فهمت أنا محتاجة إيه من الجواز، إيه المهم وإيه اللي مش مهم، إيه اللي محتاج مجهود وإيه اللي مش محتاج مجهود".

وتابعت أسما شريف منير: "وقعدت فترة كبيرة جدا بدعي ربنا بإنه يعوضني خير ويعوضني خير صبري، لأني كنت في الفترة دي بحاول أقصى حاجة في الدنيا إني أحافظ على نفسي وما أغضبش ربنا. وحاولت إني أدعي ربنا كتير قوي إنه يقف جنبي ويختار لي، وكنت دايما بقول: يا رب اختار لي ولا تخيرني. وكنت مركزة جدا في موضوع إني أتعامل بالتوكل، وتوكلت على ربنا تماما تماما في القرار ده. وتعاملت على إنه هو اللي هيجوزني وهو اللي هيقول لي أعمل إيه. قلت له: سهل لي الطرق المعينة اللي أنت عايزني أعملها. أنا نيتي خير ومش عايزة أعمل حاجة غلط وعايزة أتجوز وأتستر وأعيش حياة كريمة فيها احترام وفيها تقدير وفيها عوض. وكلمت مع ربنا كتير لحد ما جه وقت صدقت جدا وكان عندي يقين غير عادي إن ربنا هيحقق لي الحاجة دي. لأني كنت عديت بفترة تعب كبيرة قوي نفسي علشان أقدر أتخطى ده. كان بفكرة إنه صحيت نفسي في الشغل وتوكلت على ربنا ومقررة إنه هو هيختار لي الأصلح".