دنيا سامي تدافع عن مصطفى غريب بعد حديثها عنه في "صاحبة السعادة": محدش فى الدنيا يشتمه غيري

نهال ناصر | فى حياة المشاهير

مصطفى غريب ودنيا سامي

الاثنين , 2 يونيو 2025 - 15:14 | اخر تحديث: الاثنين , 2 يونيو 2025 - 15:14

وجهت الفنانة دنيا سامي رسالة للجمهور بعد حلقتها في برنامج "صاحبة السعادة" مع إسعاد يونس وحديثها عن الفنان مصطفى غريب وما يقوله عنها.

وكتبت دنيا سامي عبر حسابها على Facebook: "بالنسبة للبوستات المنتشرة اللى مشيره حلقتي مع أستاذة إسعاد يونس اللى أنا بقول فيها أن مصطفى غريب بيتريق عليا وبيقول عليا وحشة وده طبعا جاب لمصطفى الكلام والشتيمه، أولا شكرا على دفاعكوا عني بس أنا أصلا مش زعلانه من حاجة وأنا ومصطفى صحاب ودفعة واحدة واحنا الاتنين اتمرمطنا زى بعض وأنا كنت بحكي ده بهزار لأني عارفة إني قمر".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

دنيا سامي ومصطفى غريب

وتابعت دنيا سامي: "مصطفى غريب ده أقرب وأجدع وأطيب بني آدم في حياتي وحياة كل صحابه ولو قعدت اتكلم عليه من هنا لـ100 سنة مش هيكفي والله قد إيه هو ضهري في الحياة واللى أنا قولته فى البرنامج على اللى مصطفى بيقوله عليا ده هزار بين أي صحاب فى أي شلة وأنا الحمد لله معنديش عقد ومش حتى عندي عقد ومش عارفة ومش عندي عقد هتظهر بعد كده ... هو بجد مفيش حاجة وأصلا لو كملتوا باقى الحلقة مع أستاذة إسعاد هتعرفوا إننا مسكناه تريقة وتقطيع أكتر من اللي هو بيهزر فيه معايا بكتير … ولو سمحتوا محدش فى الدنيا يشتم مصطفى غريب غيري".

نرشح لك: دنيا سامي: مصطفى غريب الوحيد اللي شايفني وحشة

دنيا سامي تدافع عن مصطفى غريب

وقالت دنيا سامي خلال استضافتها في برنامج "صاحبة السعادة"، الذي تقدمه الفنانة إسعاد يونس عبر قناة dmc: " الوحيد اللي شايفني وحشة لحد النهاردة مصطفى غريب، وأصلا بيشوفني ولد".

وأضافت دنيا سامي: "هو متنمر طبعا نمرة واحد، يعني لو واحدة صاحبتنا مامتها مثلا توفت من أسبوع ورايح لها، وتخرج له يروح مشغل لها أغنية عن الأم بصوت عالي".

أوضحت دنيا سامي الطريقة التي ترد بها على تعليقات مصطفى غريب قائلة: "أقول لمصطفى لف وبص في المراية يقول أنا معترف، أقول له إنت تخين، يقوللي لأ أنا مش تخين أنا جرم، متعرفيش تتنمري عليه".

وشاركت دنيا سامي في موسم رمضان الماضي في ثلاثة أعمال هي "80 باكو"، "النص"، و "كامل العدد ++".

اقرأ أيضا:

نجوم فيلم "ريستارت" مفاجأة حفل تامر حسني في دبي

#شرطة_الموضة: ملك أحمد زاهر بفستان "نسيم البحر" في أحدث جلسة تصوير … سعره في متناول اليد

#شرطة_الموضة: جومانا مراد بإطلالة كاملة من Dior في جلسة تصوير على شاطئ البحر

مفيدة شيحة عن سفرها للحج: الظروف مكانتش تقول أن يبقى معايا القدرة المالية ومحدش ييأس من رحمة ربنا

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5