المطربة إيناس عز الدين تجيب على أصعب سؤال هل والدتها تزوجت خطيبها؟

نهال ناصر | فى حياة المشاهير

المطربة إيناس عز الدين

السبت , 10 مايو 2025 - 15:14 | اخر تحديث: السبت , 10 مايو 2025 - 15:14

ردت المطربة إيناس عز الدين على سؤال حول والدتها وعلاقتها بها وإن كانت والدتها تزوجت خطيبها.

وقالت إيناس عز الدين خلال لقائها في برنامج "قعدة ستات" مع مروة صبري: "دا حصل فعلا، وأنا عندي 18 سنة وعيلتي وجيراني كل الناس عارفة القصة بتفاصيلها،علاقتي بوالدتي اتقطعت لمدة سنة وبعدها رجعت تاني وحاولت أتخطى والتمس اعذار وعشت وكملت حياتي وربنا رزقني بجوزي، ومش ندمانه أنها عملت كده بالعكس مبسوطة لأنها لو مكنتش عملت كده كان زماني مع بني آدم مختل لأنه اللي يسيب واحدة ويكون مع أمها".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت إيناس عز الدين لتحكي بعض تفاصيل ما حدث: "هو سابني وبعدها بـ4 شهور عرفت أنهم متجوزين من وقت ما هو سابني، هو جيه خطبني وحصل تواصل ما بينهم وسابني من هنا واتجوز أمي وأنا مكنتش اعرف، ولحد النهاردة معرفش التواصل دا حصل إزاي، هما اتجوزوا سنة، لما سألتها ليه عملت كده قالت لي فضلني عليكي".

نرشح لك: فيديو - محمد محمود عبد العزيز: بوسي شلبي خسرت كل درجات التقاضي لإثبات رجعة والدي في طلاقها سنة 1998

المطربة إيناس عز الدين

وعن علاقتها بخطيبها السابق قالت إيناس عز الدين: "هو كان جواز يعتبر صالونات وكان عندي 18 سنة وكنت عايزة اهرب من ضغوط عايشة فيها وهي كانت سبب فيها، أنا بعد اللي حصل دا فقدت ثقتي في كل خلق الله بلا استثناء".

وأوضحت إيناس عز الدين أنها عاشت طفولة صعبة قائلة: "أنا عشت طفولة قاسية بسبب ظروف أسرية، والدي توفى وأنا عندي 5 سنين جدتي والدة والدتي هي اللي أخدتني أنا وأختي وربتنا، أمي معرفتش تتحمل مسئوليتنا، مش كل الناس عندها غريزة الأمومة ومش كل الناس تقدر تستوعب أن يبقى عندها أطفال، في أم ممكن تولد وترمي عشان هي مش عارفة تتعامل هي مش بتعرف تتعايش غير مع نفسها فقط".

اقرأ أيضا:

فيديو - عمرو أديب يعرض بطاقة بوسي شلبي على الهواء: مكتوب زوجة محمود عبد العزيز حتى 2014

يسرا: بوسي شلبي مش بس كانت زوجة محمود عبد العزيز ... كانت الونس والسند والحب اللي مابيخلصش

منى زكي وعمرو يوسف وطه دسوقي من بينهم ... مهرجان المركز الكاثوليكي للسينما يختتم فعالياته بتكريم النجوم

نانسي عجرم والنجوم في احتفالية الإعلان عن أول عالم "ديزني" بالشرق الأوسط وأفريقيا

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5