هدى الإتربي تتحدث عن دورها في (العتاولة 2)
بالأرقام والحسابات يمكن جدا اعتبارها صاحبة أطول تريند عمرا امتد من رمضان 2024 إلى رمضان 2025 بدورها في مسلسل "العتاولة"، لفتت الأنظار وأحبها الجمهور وأطلق عليها العديد من الألقاب، واقترن اسمها بأغنية "قنبلة الجيل" فأصبح أحد ألقابها وأقربهم إلى قلبها.
التقينا بالفنانة هدى الإتربي وتحدثت عن دورها في "العتاولة" ودورها ورسالته وصعوباته وأحلامها لمشوارها الفني بعد دور "دينا".
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
مقلقتيش من المشاركة في جزء ثاني من "العتاولة" ممكن يأثر على نجاح الجزء الأول؟
بالعكس، وجودي في الجزء الثاني من "العتاولة" كان مرتبط بإني عايزه أكمل نجاح الجزء الأول، وأكمل دور "دينا" خصوصا الحمد لله كان ربنا أكرمني بنجاح كبير فيه، وكان عامل صدى كويس قوي في الشارع، فكان بالنسبه ليا ده مش جزء ثاني على قد ما هو تكمله للنجاح.
هدى الإتربي تستكمل دور "دينا" في الجزء الثانيإيه اتغير في شخصية "دينا" في الجزء التاني؟
"دينا" في الجزء الثاني بقى ليها خط درامي قدم قضية مهمة، وهي قضية (فتيات التيك توك)، وفكرة البنات اللي بيتضحك عليها عشان تخش تطلع لايفات وتجيب فلوس.
خصوصا الفئات اللي زي "دينا"، معندهمش إمكانيات تؤهلهم للعمل في بنك مثلا ولا شركة، وفجأة لقت طريقة سهلة بتجيب فلوس سريعة، عن طريق "التيك توك"، وبكده تقدر تحقق أحلامها وتغير حياتها وتخرج بره المكان اللي عايشه فيه ومش متقبلاه.
"دينا" عندها تطلعات، وتعمقنا أكثر في الجزء الثاني من المسلسل في الدوافع وراء اللي هي بتعمله، عشان نصل لإجابات عن أسئلة: هي بتدور على إيه في حياتها؟ عشان كده شايفه إن الجزء الثاني تكملة للشخصية مش دور جديد.
هدى الإتربي لجأت إلى جولات "التيك توك" لتحقيق أحلامهاكلمينا عن كواليس مشاهدك مع "السبتي"
الحمد لله، يعني أنا والفنان أحمد كشك كان بالفعل بدأ من الجزء الأول كيميا ولغة تفاهم بدأناها وبنيناها وطورناها، وكانت حلوة قوي للتفاهم والكيمياء اللي ظهرت بينا في الجزء الثاني، كنا فاهمين قوي الشخصيتين وفاهمين هما عاملين ازاى ودوافعهم إيه ونقاط الشبه اللي بينهم، ده خلا المشاهد تظهر حقيقية ودمها خفيف، بسبب الكيميا اللي بدأت من الجزء الأول.
احكي لنا موقف صعب حصل في كواليس "العتاولة"
احنا كنا بنصور في الشتاء في "الماكس" بالإسكندرية على البحر، في جو برد جدا وساعات عمل طويلة، وطبعا المسلسل كبير وفيه نجوم كتير من الشباب ومن نجوم الصف الأول، ففكرة وجود مشاهد فيها كل الناس دي مع بعض متجمعة مكانش سهل، واحتاج ساعات عمل كثير.
هدى الإتربي جمعها بالفنان أحمد كشك كيميا في أحداث "العتاولة"دخول "دينا" عالم "السوشيال ميديا" قدم رسالة توعية عن أضرارها ومشاكلها .. قولي لنا شايفة الموضوع ده إزاي؟
ظهرت مشاكل كتير الفترة الأخيرة بسبب البنات اللي بيطلعوا "لايف" على "تيك توك" وغيره من الأبلكيشنز، اللي بتغريهم بالشهرة والثراءالسريع، وتداعب أحلام البنات بامتلاك رصيد في البنك ويخلوهم يعملوا أي حاجة.
وبقينا نشوف ما يعرف بـ"الجولات" و"التحديات" اللي بيحصل فيها حاجات متصحش وبيقدموا من خلالها محتوى غير لائق، وبنشوف ونسمع عن مشاكل وفائح بسبب الناس اللي بتبعت صور وفيديوهات لبعض، بالإضافة لظهور الذكاء الاصطناعي وسهولة تزييف الصور والفيديوهات، كل ده خلا من الضروري التنبيه بقوة لخطورة ما يحدث، خاصة إننا بالفعل شفنا "تيك توكرز" ومشاهير كتير اتعرضوا لمشاكل صعبة وصلت في بعض الحالات لنهايات مأساوية.
كل ده حمسني جدا وكان بالنسبة لي فكرة حلوة قوي، قضية حقيقية وقائمة وحاضرة في الفترة اللي احنا عايشين فيها دي، فكنت حابة جدا الفكرة.
هدى الإتربي قدمت رسالة حول مخاطر "السوشيال ميديا"لو اتعمل من "العتاولة" جزء ثالث هتوافقي تكملي معاهم؟
أكيد طبعا، لو في جزء ثالث من "العتاولة" أحب أشارك فيه، بس أنا حابه حاليا أركز أكثر في تقديم دور مختلف، نفسي أعمل حاجة جديدة، أناقش موضوع تاني وحاجة جديدة مختلفة، بس طبعا لو في "عتاولة" الجزء الثالث أحب جدا أشارك فيه.
جهزتي إزاي لدور "دينا"؟ وهل كان في مرجع قدامك لشخصية البنت الاسكندرانية الدلوعة؟
أنا محبتش أبعد عن "دينا" اللي الناس عرفوها وحبوها في الجزء الأول، اللي اتغير هو المشاعر، بدأت ادخل جوه نفسيتها أكتر وأشوف هي حاسه بإيه؟ وعاوزه إيه؟ ونفسها توصل لفين؟ بس بنفس شخصية "دينا" القديمه اللي احنا شفناها.
سافرت أمريكا كان عندي "وورك شوب" في مدرسة للتمثيل هناك، وحضّرت الدور فيها من خلالها يعني، وكان معايا طبعا مدرب تمثيل.
هدى الإتربي جهزت لدور "دينا" في أمريكاإيه الدور اللي هدى الإتربي نفسها تقدمه؟
نفسي قوي أقدم الأدوار اللي شبهنا شبه جيلنا، المشاكل اللي بتقابل جبلنا، عايزه أقدم مشاكل اللي احنا بنواجهها دلوقتي كبنات في جيلنا.
موضوع "تيك توك" ده مثلا مشكلة من مشاكل كثيرة بتقابل بنات جيلنا دلوقتي، قضيه البنت اللي بتستسهل وتطلع على "تيك توك" تعمل حاجات غريبة قدام الكاميرا علشان الناس تبعت لها هدايا (أسود وحيتان) فيتحول ده لرصيد فلوس في حسابها، دي كانت نقطة بالنسبة لي حلوة قوي، حابه أناقشها.
وكمان حابه أعمل مواضيع تانية ليها علاقه بجيلنا وشبهنا، مش موضوعات أو مشاكل بعيد عننا.
مين الفنان اللي نفسك تقفي قدامه في عملك القادم؟
عندي ناس كثيره قوي نفسي اشتغل معاهم، بس حاليا نفسي جدا ابتدي أعمل حاجات مع شباب جيلنا، فيلم أو مسلسل بطولة نجوم من شباب جداد، حاسة إن ده هيبقى دافع قوي لجلنا، احنا بقينا نقدر كشباب نعمل مواضيع لوحدنا، ونقدر نشيل مسلسلات وأفلام وتنجح تحت اسم الأبطال والنجوم الشباب.
هدى الإتربي اقرأ أيضا:
سلوى عثمان: عمرو سعد ضربني بالقلم حقيقي في سيد الناس مش مجرد مشهد تمثيلي
بسبب مشهد "القطة" إشادات جماهيرية بمسلسل "الغاوي"... الجمهور يعلق ياريت يكتروا من المسلسلات دي
عمرو محمود ياسين يوجه رسالة لمتابعي "وتقابل حبيب": انتوا بجد عايزين فارس وليل يتجوزوا؟
مايا دياب ترد على شائعات منعها لاستضافة شيرين عبد الوهاب
لا يفوتك: في الفن يكشف حقيقة وليد فواز مبدع أدوار الشر
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5
حورية فرغلي: لسه بعاني من سحر أسود ولكن بصلي وبقرأ قرآن كتير
هل حدث خلاف بين شيري عادل وحورية فرغلي بسبب مشهد؟.. الأخيرة تجيب
رمضان 2026- ركين سعد تشارك محمد فراج بطولة مسلسل "أب ولكن"
المخرج محمد فاضل عن فيلم "الست": إيه المشكلة لما نعمل أكتر من عمل عن "أم كلثوم"؟ منى زكي أهم فنانات جيلها
سيزيف لا ينتظر القطار: العبث والعدالة في The Secret in Their Eyes
نوران ماجد: تعرضت للظلم في مسلسل "عباس الريس" ودوري مفاجأة في "أولاد الراعي"
رمضان 2026- أحمد داود يبدأ تصوير مسلسل "بابا وماما جيران"
ما بين الترقب والترصد "الست"... قراءة جديدة لسيرة لا تنتهي
«الست» .. منى زكي تكسب الرهان
فيم فيندرز رئيسًا للجنة تحكيم مهرجان برلين السينمائي
ياسمين عبد العزيز: لو حصل جواز فيما بعد هتبقى شخصية ... مش عايزة حد يعرف
جوائز "البحر الأحمر" القائمة الكاملة - "هجرة" و"كولونيا" يفوزان بجوائز الجمهور و"يونان" أفضل ممثل وأفضل مخرج ويسرا تسلم أنتوني هوبكنز جائزته
أشرف زكي: عبلة كامل بخير وبمنزلها ... واعتزالها ليس له علاقة بأي مرض
ياسمين عبد العزيز: محدش يقدر يكسرني!
ياسمين عبد العزيز تمازح جمهور "معكم منى الشاذلي": متتجوزوش خالص
ياسمين عبد العزيز: تعلمت في 2025 ألا أثق في أحد!
فيديو - ياسمين عبد العزيز تعاتب منى الشاذلي: "عايزة أتكلم براحتي!"
هيدي كرم: أبتعد عن الشر في "عيلة دياب عالباب" ... وهناك مشاهد تجمعني مع محمد سعد
جائزة "المخرج الرائد" ... تكريم شيرين دعيبس تقديرًا لأعمالها الملهمة خلال مهرجان البحر الأحمر السينمائي
تعاون بين مهرجان البحر الأحمر السينمائي الدولي ومهرجان آنسي الدولي لأفلام الرسوم المتحرّكة
مصطفى كامل يطرح "هما كده" بالتعاون مع مدين
منذ 14 ساعة
كلمة يسرا في ختام مهرجان البحر الأحمر قبل تقديمها تكريم أنتوني هوبكنز
منذ 17 ساعة
أحمد سعد يطرح أغنيته مع كريم محمود عبد العزيز "طيبة تاني لأ" من فيلم "طلقني"
أمس
بمشاركة شيرين رضا.. أبو يطرح فيديو كليب "ييجي الليل"
منذ يومين