حسام حبيب: شيرين عبد الوهاب مديونة لي أكثر من 60 مليون جنيه

مي جودة | فى حياة المشاهير

حسام حبيب

الخميس , 13 مارس 2025 - 01:29 | اخر تحديث: الخميس , 13 مارس 2025 - 02:05

تحدث الفنان حسام حبيب عن ازماته مع طليقته النجمة شيرين عبد الوهاب، مؤكدا أنها مديونة له بالعديد من الأموال.

قال حسام حبيب: "ألبوم (نساي) بتاع شيرين عبد الوهاب، اللي جايب لحد دلوقتي مليار و300 مليون مشاهده، أنا اللي عملته لها، ودا أنجح ألبوم في تاريخها، ومكتبتش اسمي عليه، ومكنتش مستني منها حاجة، لأني كنت بحبها أكثر من نفسي، ودي غلطتي أنا مش غلطتها، وبعت فيلتي وعربيتي عشان أصرف على نفسي، و أنا مجرم في حق نفسي وحق عيلتي، وصحابي، لأن قبلت يتقال عليهم كلام وحش"، حسب تصريحاته لبرنامج "العرافة" الذي تقدمه بسمة وهبة.

حسام حبيب

وتابع حسام حبيب: كل الاتهامات اللي شيرين عبد الوهاب وجهتها لي كذب، هي بتقول أنا خنتها، أنا بتحداها تقول أنا خنتها مع مين وإزاي وفين وإمتى، عشان أشهد الشخص دا، وكمان هي بتقول إني سرقت منها 50 ألف دولار والخواتم بتاعتها، طب الفلوس دي اتسحبت من أي بنك، كلامها كله ملهوش أي دليل، وتحريات المباحث أثبتت عدم صحة الواقعة، وبالنسبة للعربية المرسيدس اللي اتهمتني بسرقتها، العربية دي هي جابتها لي وقالت لي أنا اشتريتهالك هدية، قولتلها أنا مش عايزها.

حسام حبيب وشيرين عبد الوهاب

واستكمل حسام حبيب، كاشفا عن مصدر أمواله: أنا مش بني آدم فاضي، عندي 22 واحد بيشتغلوا عندي غير الجناينية، عندي مسؤولياتي وكرامتي، ومش محتاج حاجة من حد، لكن كان لازم أرد على كل الكلام اللي بيتقال عني، مش شغل حد أنا بجيب فلوسي منين أنا اشتغلت 8 سنين متواصلة قبل شيرين، والحمد لله دلوقتي بعرف أنام وأكل وأشرب وأصرف على نفسي، هل الناس شافتني ماشي بلبس مقطع، في مرة شيرين وقفت قدام الناس كلهم وقالت (أنت ليك عندي فلوس وخدها)، رديت عليها وقلت لها (عيب) فكان ردها (ماليش في أبوبلاش!).

وأضاف حسام حبيب: اتصلت بالمحاسب وقولت له يشوف الحسابات وهي قالت له يحسب على 2%، رغم أن المتعارف عليه 10%، كل دا وأنا مش هاخد منها فلوس، بس كنت عاوز أثبت لها حجم الفلوس اللي سابتها عندي، المحاسب قالي إن الرقم كبير جدًا، والحقيقة إنها مديونة لي بأكتر من 60 مليون جنيه، وعندي كل الأرقام اللي تثبت الكلام ده، إحنا شركاء في شركة مساهمة، أنا ليّا فيها 10% وهي ليها 80%، بس الأرباح كلها في إيدها ومش بتديني أي حاجة، ولا حتى بتعامل مع الشركة، هي اللي بتتحكم فيها لوحدها.

من ناحية أخرى، كشف حسام حبيب عن اقتراب موعد إطلاق ألبومه الجديد الذي يتعاون فيه مع كبار صناع الأغنية بالعالم العريي من شعراء وملحنين وموزعين.

وشوق حبيب جمهوره ومتابعيه لألبومه بنشر "برومو" موسيقي لاحدي أغاني الألبوم عبر حسابه على انستجرام وصفحته بفيس بوك مصحوبا بصورة لبوستر الالبوم الذى يظهر خلالها ب "لوك" وصفه متابيعه بالأكثر جاذبية.جاء "برومو" و"بوستر" البوم حسام حبيب بعد فترة من الغياب عن جمهوره حيث أجرى طوال هذه المدة جلسات عمل يومية داخل الاستوديو بمشاركة صناع الألبوم كي يتمكن من الانتهاء من تسجيل أغنيات الالبوم الجديد و الذي من المقرر طرحه في الاسابيع القليلة القامه.

حسام حبيب

وكان الفنان حسام حبيب قد أطلق مؤخرا أغنية "كدابه" التي حققت نجاحا وانتشارا كبيرا حيث تصدرت تريند مواقع التواصل الاجتماعي.

اقرأ أيضا:

الظهور الأول لمحمد حماقي بعد وعكته الصحية ... مع نجوم الأغنية المصرية في إفطار أيمن بهجت قمر

حسام حبيب: لو شيرين عبد الوهاب صوت مصر أغير جنسيتي بكرة

مسلسل حكيم باشا الحلقة 12.. مصطفى شعبان يخبر عمه نيته للإبتعاد عن تجارة الآثار

#شرطة_الموضة: لجين عمران وأيتن عامر بفستانان متشابهان ... أيهما الأجمل؟

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5