هل سيقدم جزء ثالث من "أشغال شقة" … هشام ماجد يجيب

نهال ناصر | فى سينما وتلفزيون

هشام ماجد

السبت , 8 مارس 2025 - 15:19 | اخر تحديث: الأحد , 9 مارس 2025 - 12:23

يحقق مسلسل "أشغال شقة جدا" نجاحا وإشادات من الجمهور والنقاد وحتى النجوم، وهو ما دفع البعض للمطالبة بجزء ثالث من العمل.

وعن فكرة تقديم جزء ثالث من مسلسل "أشغال شقة" قال الفنان هشام ماجد خلال لقاء ببرنامج "المشهد تاغ": "موسم جديد دي حاجة سابقة لأوانها بعد ما رمضان يخلص إن شاء الله هنشوف هل عندنا حاجة نقدمها في الجزء الجديد ولا لأ، ودا يرد عليه خالد وشيرين دياب، في النهاية لو الناس عايزة دي حاجة تشرفني جدا".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

هشام ماجد

وتابع هشام ماجد: "أنا سعيد بردود أفعال الناس وأكتر حاجة بتسعدني لما بتجيلي رسايل أن المسلسل بيضحكهم ويبسطهم وناس بتدعيلنا دي حاجة في حد ذاتها بتقول قد إيه الفن رسالة والضحك نفسه رسالة مهمة جدا".

نرشح لك: فيديو – أحمد الفيشاوي: شوفت عمرو خالد مرتين في حياتي ... ومحبش أعرفه لإنه إخوان

وتحدث هشام ماجد على الانتقادات التي وجهت لمسلسل واتهامات التنمر وقال: "أنا مش حابب أرد على الانتقادات لأني شايف أنها مش في محلها، الكوميديا مبنية على فرضيات كتيرة على شخص عندة مشكلة ينشأ منه الكوميديا مش معقول كل ما نتكلم عن حاجة يطلع ناس في السوشيال ميديا تقول دا تنمر، تنمر في إيه الطبيب الشرعي "حمدي" دا مهمل وفاشل بس في 10 تانيين في المسلسل كويسين، في أي شغلانة في ناس كويسة وناس فشله والضحك هيطلع منين؟".

إسلام مبارك مع هشام ماجد وأسماء جلال من كواليس "أشغال شقة جدا"

وعن حديث البعض على التنمر على الفنانة إسلام مبارك، قال هشام ماجد: "إسلام مبارك التنمر عليها كان في إيه؟ هي ممثلة سودانية من بلد شقيقة وتؤدي دور أن عندها مشكلة أنها قوية وبتاكل كتير متريقناش على تخنها ولا على أي حاجة عنصرية وكله كان في إطار الضحك وهي مكنش عندها مشكلة والجمهور 99% منه معندوش مشكلة، دايما نلاقي حد يطلع كده اعتقد أنه عايز ينتقد لمجرد الانتقادات طالما العمل مفيهوش مشكلة يلا نعمل أي حاجة، أنا بحترم النقد لما يكون في محله أو يكون بناء".

هشام ماجد ومصطفى غريب وأسماء جلال في كواليس "أشغال شقة جدا"

وأكمل هشام ماجد: "الموضوع نرفزني، إحنا منقصدش كله في إطار الضحك، يعني لو عملنا فيلم عن مهندس فاشل يبقى بنتريق على المهندسين، دكتور عنده مشكلة يبقى بنتريق على الدكاتره، شغاله بتعمل حاجة فئة الشغالات يزعلوا هنضحك منين؟ الكوميديا من ساعة ما اخترعوها مبنية على كده".

مسلسل "أشغال شقة" من بطولة هشام ماجد، أسماء جلال، شيرين، سلوى محمد علي، مصطفى غريب، وآخرين ومن تأليف خالد وشيرين دياب، وإخراج خالد دياب.