أحمد فهمي: من وقت ما عملت عملية القلب المفتوح نظرتي للحياة اختلفت

نهال ناصر | فى حياة المشاهير

أحمد فهمي

الاثنين , 27 يناير 2025 - 14:01 | اخر تحديث: الاثنين , 27 يناير 2025 - 14:01

حكى الفنان أحمد فهمي عن موقف صعب مر به غير طريقة تفكيره في الحياة عندما أجرى عميلة القلب المفتوح.

وقال أحمد فهمي في لقائه ببرنامج "كلام نواعم": "بحب اهتم بجسمي أوي وأروح الجيم وأكل كويس، في 2016 كنت أول مرة اشتغل مسلسل لرمضان وأخلص قبل رمضان عادة بنخلص تصوير في رمضان، خلصت قبله بكام يوم وأنا بحب الحلويات أوي ورمضان بقى كنافة وقطايف لقيت نفسي بزيد على الميزان قلت أروح للدكتور عشان أظبط الأكل، وهو بيكشف عليا عمل ريأكشن كده حاول ميبينوش بس أنا فهمت وطلب مني تحاليل".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

أحمد فهمي

وتابع أحمد فهمي: "عملت التحاليل رجعت له قالي أنت عندك حاجة في القلب قلت له إزاي المفروض أحس بأعراض، قالي محتاجين نكشف، كشفت في حاجة اسمها الصمام الميترالي عندي فيه قطع بسبب العصبية، سافرت وعملت عملية قلب مفتوح في إنجلترا فجأة في اللحظة دي شفت الحياة بمنظور مختلف تماما الدكتور وهو معايا دخلنا أوضة العمليات عشان يشرحلي قالي السرير دا أنت ممكن بعد ساعتين تقوم وممكن لأ بيتكلم عادي أنا مأخدتش الكلمة أنها حاجة وحشة وأخدتها بطريقة إيجابية بس من اللحظة دي بقيت بشوف الحياة بمنظور مخالف وأن الواحد بيلهث على أشياء ممكن تكون مش مهمة أوي".

أحمد فهمي

نرشح لك: مروة صبري تهاجم آلاء عبد العزيز: تريند رخيص وفاشل وأهبل

View this post on Instagram

A post shared by كلام نواعم Kalam Nawaem (@kalamnawaeminsta)

أحمد فهمي

يذكر أن أحمد فهمي عرض له مؤخرا مسلسل "نقطة سودة"، ويشارك في بطولته عدد كبير من النجوم، على رأسهم ناهد السباعي، سارة سلامة، أحمد مجدي، وفاء عامر، أحمد خالد صالح، أحمد بدير، سماح أنور، أشرف عبد الغفور، ناهد رشدي، أحمد عزمي، مريم الخشت، سماح السعيد، محمد الصاوي وعدد آخر من الفنانين، من تأليف أمين جمال وإخراج محمد أسامة، وتدور أحداثه في إطار اجتماعي تشويقي.