مروة صبري تدافع عن شيرين عبد الوهاب بعد حفل الكويت: الست غلطت في كلمة وقالت أنا آسفة

محمد سليم | فى موسيقى وحفلات

شيرين عبد الوهاب ومروة صبري

الاثنين , 2 ديسمبر 2024 - 19:12 | اخر تحديث: الاثنين , 2 ديسمبر 2024 - 19:12

دافعت الإعلامية مروة صبري عن الفنانة شيرين عبد الوهاب، متهمة رواد مواقع التواصل الاجتماعي بتصيد الأخطاء لها خلال حفلها الأخير في الكويت.

وقالت مروة صبري خلال تقديمها برنامج "قعدة ستات" عبر قناة ألفا: "شيرين بعفويتها وتلقائيتها كانت عايزة تعمل حاجة كويسة ومحترمة واتقلبت ضدها، بعد ما سلمت على جمهورها قالت يا جماعة هطلب منكم حاجة بسيطة جدا، نقرا الفاتحة للملحن محمد رحيم، اللي اشتغلت معاه أعمال كتير".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

إطلالة شيرين عبد الوهاب في حفل الكويت

وأضافت مروة صبري: "بعد ما الناس قرأت الفاتحة قالت أنا عايزاها تكون سيئة جارية، هي عايزة تقول صدقة أو حسنة جارية، زلة لسان وفي لحظتها قالت أنا آسفة وبعتذر".

إطلالة شيرين عبد الوهاب في حفل الكويت

وتابعت: "الست غلطت في كلمة وقالت آسفة، وارد جدا أي حد في الدنيا يغلط، عايز يقول حاجة فيقول حاجة تانية، أكيد هي مش قصدها، إنتو قاعدين على السقطة واللقطة لشيرين عبد الوهاب، وبدل ما نقول لها برافو ونشجعها لازم نهدمها".

طالع أيضا - بدأ التمثيل في طفولته وتزوج من فنانة وانتشرت شائعة وفاته قبل سنوات وقبض عليه مرتين بالمخدرات … 16 معلومة عن هيثم محمد

إطلالة شيرين عبد الوهاب في حفل الكويت

ووجهت مروة صبري رسالة لشيرين عبد الوهاب قائلة: "برافو إنك بدأت تشتغلي، وقررتي ما تشركيش جمهورك في مشاكلك الشخصية، وتشاركيه فنك وصوتك الحلو".

إطلالة شيرين عبد الوهاب في حفل الكويت

وكانت شيرين عبد الوهاب طلبت خلال الحفل من جمهورها قراءة الفاتحة للفنان الراحل محمد رحيم معقبة: "محمد رحيم اللي عامللي مشاعر، وصبري قليل والوتر الحساس وأنا في الغرام. يا رب تروح له إن شاء الله معلش. خلينا نعمل سيئة جارية".

واعتذرت شيرين بعدها قائلة: "يا جماعة محدش يخليني أتكلم في المايك، حسنة جارية، والله العظيم هيسيبوا كل حاجة ودي هتبقى تريند دلوقتي".

وتابعت شيرين عبد الوهاب خلال الحفل: "يا جماعة أنا اتلخبطت، يا ريت اللي ينزل الفيديو اللي فيه ده أنا بعتذر، بلاش تخلوني أتكلم أنا فضيحة". (التفاصيل)

اقرأ أيضا:

لطفي لبيب يتصدر تريند "X" … ما علاقة أم خالد؟

القصة الكاملة للقبض على هيثم محمد وبحوزته مخدر "الهيروين"

داود حسين يتجاهل قرار سحب الجنسية الكويتية ويحتفل بالعيد الوطني الإماراتي

غادة إبراهيم: أرفض المساكنة وأغلب الأدوار اللي بتتعرض عليا الدلوعة واللعوب

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5