خاص رانيا محمود ياسين لـ"في الفن": "قشر البندق" هو اللي غير شكل السينما المصرية مش "إسماعيلية رايح جاي"

نهال ناصر | فى سينما وتلفزيون

رانيا محمود ياسين ووالدها من فيلم قشر البندق

الأربعاء , 30 أكتوبر 2024 - 10:10 | اخر تحديث: الأربعاء , 30 أكتوبر 2024 - 10:10

عبرت الفنانة رانيا محمود ياسين عن سعادتها بعرض النسخة المرممة من فيلم "قشر البندق" ضمن الدورة السابعة من مهرجان الجونة، مشيرة إلى أن الفيلم ظلم لسنوات طويلة ولم يأخذ حقه.

وقالت رانيا محمود ياسين لـFilFan.com: "الفيلم اتظلم اللي غير شكل السينما المصرية وعمل جيل جديد هو "قشر البندق" مش فيلم "إسماعيلية رايح جاي"، "إسماعيلية رايح جاي" قدم محمد هنيدي بشكل جديد محمد هنيدي كان نجم وعامل أفلام قبلها، إنما اللي غير شكل السينما هو "قشر البندق" وطلع جيل جديد".

تابعوا قناة FilFan.com على الواتساب لمعرفة أحدث أخبار النجوم وجيدهم في السينما والتليفزيون اضغط هنا

فيلم إسماعيلية رايح جاي

وتابعت رانيا محمود ياسين: "قابلت شاب عنده 20 سنة سألني هو مين كان مع حضرتك في الفيلم قلت له هات ورقة وقلم محد هنيدي وعلاء ولي الدين وعبلة كامل ودينا وحميد الشاعري وأبويا الله يرحمه وأستاذ حسين فهمي وأستاذة مريم فخر الدين وخالد الصاوي وطارق لطفي، الفيلم قدم جيل كامل، الفيلم اتظلم لأنه أتاخد حقوق ملكيته لقناة art وهي قناة مشفرة مش كل الناس بتشوفه لكن هو تجاريا نجح، دا الفيلم الوحيد اللي أبويا كسب فيه كإنتاج، هو أنتج أفلام تانية لكن دا الفيلم اللي قدر يكسب فيه".

نرشح لك: دخل التمثيل بالصدفة وتزوج 3 مرات وتوفي بعد صراع مع السرطان … 14 معلومة عن مصطفى فهمي

فيلم قشر البندق

وكشفت رانيا محمود ياسين أنها ستحاول أن تعيد عرض الأعمال التي أنتجها والدها ولم تأخذ نفس الشهرة والبداية كانت مع "قشر البندق" وقالت: "الفيلم هيتشاف كتير الفترة اللي جايه داخل مهرجان قرطاج وهنشوفه على المنصات، والفضل في ده يرجع للأستاذ سامح فتحي هو اشترى الفيلم لأني مكنتش هقدر أعرف أسوقه بالطريقة بتاعته، هو دخل في رحلة صعبة عشان يوصل للعقد القديم وأنا مش حاسه أنه راح مني، وهشتغل على أفلام اللي والدي أنتجها أنها ترجع تظهر للنور، مثلا "الجلسة سرية" دا إنتاجنا وبيتعرض كتير فدا مش هعمل له حاجة، اللي اتظلم هحاول أظهره للنور أبويا تعب عشان يعمل الأفلام دي".

وفيلم "قشر البندق" إنتاج عام 1995 وبطولة محمود ياسين وحسين فهمي ورانيا محمود ياسين وعبلة كامل ومحمد هنيدي وعلاء ولي الدين وحميد الشاعري، وإخراج خيري بشارة.