خالد الصاوي يحذر الجمهور: أخدت "حقن" خسارة الوزن وحصلي كارثة

نهال ناصر | فى حياة المشاهير

خالد الصاوي

السبت , 19 أكتوبر 2024 - 11:38 | اخر تحديث: السبت , 19 أكتوبر 2024 - 11:38

كشف الفنان خالد الصاوي أنه يخضع لحمية غذائية وتمكن من خسارة 20 كيلو جراما من وزنه، ووجه نصيحة لجمهوره بالابتعاد عن الطرق السريعة لخسارة الوزن كـ"الحقن".

وحكى خالد الصاوي خلال لقائه في برنامج "كلام الناس" مع ياسمين عز: "خسيت 20 كيلو وناقص 20 كمان، وعايز أحذر الناس أنا أخدت الحقن حصلي كارثة بعد 3 أو 4 شهور حقنة منهم أدت إلى توقف الجهاز الهضمي وروحنا المستشفى وقعدت يومين، قلت لخبير التغذية واتفقنا إننا نرمي الحقن، يا جماعة خلوا بالكم الحقن دي مقصود بيها أن تسد النفس، بتوهم الجسم أن في حالة شبع وبتلعب في الجهاز الهضمي خلوا بالكم من الحقن دي".

تابعوا قناة FilFan.com على الواتساب لمعرفة أحدث أخبار النجوم وجيدهم في السينما والتليفزيون اضغط هنا

خالد الصاوي

وتابع خالد الصاوي: "التجربة أثبتت أن كل اللي عايز يوصل لحاجة بأرخص مجهود دي سكة فاشلة، لازم تعمل دايت وهو هيخسسك شوية بشوية ويكون في خبير تغذية بيتابعك، هتروح الجيم في حدود مسموح بيها دا المجهود اللي لازم تعمله، الحاجات السريعة زي فتح البطن لأ مش هعمل كده مش معقولة مش هفتح بطني عشان مش عارف أقفل بوقي".

نرشح لك: شيكو ويوسف الشريف وأكرم حسني وكارمن سليمان من بينهم … النجوم يحتفلون بخطوبة منة عدلي القيعي ويوسف حشيش

خالد الصاوي

وأكمل خالد الصاوي: "أنا على ما اخدت بالي أن شكلي مش تمام كان كل الناس بتقولي خس، لازم تبقى متواضع وتسمع للناس، بلاش المراية اللي بتطبطب عليك وتقولك أنت أحلى حاجة أو بتجلدك".

يذكر أن خالد الصاوي تعاقد على المشاركة في الموسم الخامس من مسلسل "المداح"، المقرر عرضه في شهر رمضان المقبل.

من المقرر أن يقدم خالد الصاوي دور الشيطان، والذي قدمه فتحي عبد الوهاب في الجزء الرابع.

خالد الصاوي

مسلسل "المداح 4" من بطولة حمادة هلال وشارك فيه فتحي عبد الوهاب، خالد سرحان، هبة مجدي، سهر الصايغ، حنان سليمان، دنيا عبد العزيز، صفاء جلال، وضيف الشرف دياب، مي سليم، أحمد خالد صالح وغيرهم.

اقرأ أيضا:

مي حلمي: اتحرمت من كلمة "إنت طالق" ... ورفضت نص مليون مقابل الكلام عن حياتي الشخصية

إلهام عبد البديع تعلن عودتها للملحن وليد سامي: دار الإفتاء قالت طلقة واحدة لا تحسب

محمود شاهين عن وجود راقصة في حفل عيد ميلاده: مراتي اللي جابتها عشان عارفة أني بحب الرقاصات

تفاصيل الساعات الأخيرة في حياة الشاعر أحمد علي موسى: لعب كرة قدم وتوفى في منزله

لا يفوتك: في الفن يكشف حقيقة وليد فواز مبدع أدوار الشر

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5