هشام ماجد: متحمس وقلقان من إعادة تقديم "البحث عن فضيحة" … هذا رأي عادل إمام

نهال ناصر | فى سينما وتلفزيون

هشام ماجد وعادل إمام وسمير صبري

الجمعة , 11 أكتوبر 2024 - 11:01 | اخر تحديث: الجمعة , 11 أكتوبر 2024 - 11:01

تحدث الفنان هشام ماجد عن إعادة تقديم فيلم "البحث عن فضيحة" معبرا عن حماسه وقلقه في نفس الوقت من التجربة.

وقال هشام ماجد خلال لقائه في برنامج "الراديو بيضحك" مع فاطمة مصطفى، عبر إذاعة "الراديو 9090": "هو نفس القصة ونفس الفكرة ولكن مش نفس التفاصيل، الموضوع معمول بما يناسب العصر اللي إحنا فيه، مودرن أكتر، بس هو نفس الإطار "واحد صاحبي متعرفوش" هي تجربة أنا متحمس ليها جدا وفي نفس الوقت قلقان، طول الوقت هتقعد تقارن بالفيلم القديم هو من علامات السينما، أنا بوعد الناس إننا هنقدم لهم حاجة كويسة متقللش من الفيلم القديم، وبعتمد على أن جمهور كبير من الصغيرين مشافش الفيلم القديم أصلا فهو هيتعامل مع الفيلم كأنه فيلم جديد إن شاء الله نقدر نقدم حاجة محترمة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

سمير صبري وعادل إمام من فيلم البحث عن فضيحة

وعن رأي النجم عادل إمام في إعادة تقديم فيلمه قال هشام ماجد: "أكيد أستاذ عادل إمام عارف لأن رامي إمام هو مخرج الفيلم وأكيد مش هيستجرى يدخل فيلم زي ده من غير ما يقول للزعيم، رامي قالي أن هو مبسوط".

نرشح لك: مريم الخشت ترقص بالصاجات في حفل زفافها ... أسماء جلال وجميلة عوض وبسنت شوقي أبرز الحضور

هشام ماجد

وعبر هشام ماجد عن إعجابه بفكرة إعادة تقديم الأفلام القديمة قائلا: "فكرة إعادة تقديم فيلم قديم بتتعمل في أمريكا كل يوم بنشوف أفلام من الستينيات والثمانينيات وبتتعمل تاني هي هي، يمكن مش معتادين عليها في مصر أنا اعتقد في أفلام اتعملت بس مش متذكر إيه هي".

هشام ماجد من مشجعي نادي الزمالك

وأكمل: "أنا متحمس لفكرة إعادة تقديم الأفلام لأننا عندنا كنز من الأفلام القديمة يستحق أن الجيل الجديد يشوفها ودا هيخلي الناس ترجع تشوف الأفلام القديمة".

فيلم "البحث عن فضيحة" أنتج عام 1973 شارك في بطولته بجانب عادل إمام وسمير صبري وميرفت أمين كل من يوسف وهبي وميمي شكيب ونبيلة السيد، ومن تأليف أبو السعود الإبياري عن قصة "دليل الرجل المتزوج"، وسيناريو وحوار فاروق صبري وإخراج نيازي مصطفى.