دينا: ابني فخور بنجاحي في شغلي كراقصة

نهال ناصر | فى حياة المشاهير

دينا وابنها

الجمعة , 20 سبتمبر 2024 - 11:05 | اخر تحديث: الجمعة , 20 سبتمبر 2024 - 11:05

ردت الفنانة دينا على أكثر سؤال يوجه لها حول ابنها وهل يقبل كونها تعمل راقصة.

وظهرت دينا في فيديو عبر حسابها على Instagram ضمن برنامج جديد لها بعنوان "اسمع مع دينا" لترد على السؤال وقالت: "بيقولوا وسؤال حشري جدا ابنك إزاي متقبل أن إنتي بترقصي؟ طبعا هو سؤال خاص جدا وداخلين جوا العيلة، لكن اللي أقدر أرد عليه إني اتربيت على إني احترم النجاح لو حد ناجح أبص هو ناجح ليه وهل هو بيحب شغلته دا اللي يشغلني أكتر من إني انتقد، وأن إحنا ملناش دعوة مين بيعمل إيه إحنا مش دا شغلنا، أمي وأبويا ربوني كده".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

دينا وابنها

وتابعت دينا: "ولما خلفت أنا وأمي ربنا يحفظها ساهمت في تربيته وربته بنفس الطريقة أنه يقدر النجاح، ابني فخور بنجاحي وبيتمنى ينجح زيي، مش بيفكر بطريقة إيه دا ماما بترقص؟ أيوة ماما بترقص لأنها ناجحة هي دي الطريقة الوحيدة اللي ناجحة فيها وأمي مش جاهلة متعلمة، أمي خلصت شهاداتها وحبت شغلها ونجحت فيه".

نرشح لك: بسمة بوسيل وهنا الزاهد وإمام عاشور ومصطفى فتحي ضمن الحضور … النجوم في افتتاح مطعم تامر حسني الجديد

وأكملت دينا: "طريقة التربية والتفكير بتغير أسلوب تفكير البني آدم، الشخص لما يفكر صح يفكر في نجاحه وتفوقه وشغله مش يشغل دماغه بمين بيعمل إيه حتى لو كان أمه أو أبوه أو أخته، طالما ناجح المفروض يكون فخور بيهم مش بيكسرهم".

View this post on Instagram

A post shared by Dina دينا (@dinadancerofficial)

على جانب آخر، كشفت دينا عن رأيها في فكرة خوض ابنها لتجربة المساكنة.

وردت دينا خلال لقائها في برنامج "القاهرة اليوم" في فقرة بعنوان "ماذا لو" على سؤال حول المساكنة، وجاء فيه: "ماذا لو ابنك قالك أنا بحب بنت بس هجرب معاها المساكنة وبعدين أتجوزها؟

دينا وابنها

وقالت دينا: "ربنا يوفقه هقوله روح يا حبيبي، مش هعترض ممكن لو مثلا مامتي اتضايقت نكتبهم ورقة، عشان أنا أكيد مامتي هتضايق لأن فكرها هيخش في حاجات تانية".

وتابعت دينا: "طالما أنا أم الولد مش هتضايق لو أنا أم البنت هتفلق نصين هموتها، مش هوافق أساس همسكها من شعرها أحطها تحت الكنبة، هو ولد يعمل اللي يعمله".