مروة صبري عن تصريحات مها أحمد: اقطعوا عنها النت

نهال ناصر | فى حياة المشاهير

مروة صبري ومها أحمد

الثلاثاء , 10 سبتمبر 2024 - 11:09 | اخر تحديث: الثلاثاء , 10 سبتمبر 2024 - 11:09

علقت الإعلامية مروة صبري على تصريحات الفنانة مها أحمد ومهاجمتها لمتابعيها عبر تطبيق "تيك توك" مؤخرا.

وخلال برنامجها "قعدة ستات" طالبت مروة صبري بقطع الانترنت عن مها أحمد للتوقف عن هذه التصرفات التي تسيء لها.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وقالت مروة صبري: "الفنانة مها أحمد إحنا عارفين أنها بقت نجمة من نجوم "تيك توك" ودايما بتشتكي أن مش لاقية شغل وهفضل قاعدة على "تيك توك"، اللي عايز يعمل حاجة يعملها هو حر لكن أنا مش مع فكرة الجوالات على "تيك توك" لا لمها أحمد ولا أي حد تاني من الفنانين والفنانات أو حتى الناس العادية، لكن إحنا دايما بنتكلم عن الفنانين لأنهم بيمثلوا بلدهم وفنهم وقدوة".

نرشح لك: غادة عبد الرازق تستعرض تفاصيل إطلالتها في حفل "دير جيست" 2024

مروة صبري تهاجم مها أحمد

وتابعت مروة صبري: "انتشر فيديو لمها أحمد من يومين وهي طالعة بتكلم المتابعين بتوعها على البث المباشر، وحد سألها ليه بتطلعي لايف كتير وفين جوزك دكتور مجدي كامل وحد قالها ما ترجعي تمثلي، دا حب الناس ودايما بنقول ربنا يرزقنا بحب الناس لأن الناس هي اللي بتعمل الفنانين يعني أن حبهم هو اللي بيعليك وكرههم هو اللي بينزلك، يعني لو الناس بتنصحها بحاجة من حبهم فيها، لكن الغريب والصادم أنها ترد على المتابعين اللي بيحبوها اللي هما كانوا جزء أساسي وكبير في شهرتها أنها قالت يا جماعة أي حد هيكلمني كلمة مش عاجباني "هديلة بالشبشب" وألفاظ وأسلوب غريب، أنا مش عارفة أقول إيه اقطعوا النت عن مها أحمد".

مروة صبري

مها أحمد

وأضافت مروة صبري: "مها أحمد مبقتش خطر على نفسها دي بقت خطر على الجمهور، مش دول الجمهور اللي بتحبيه مش لما الناس قعدت تهاجمك قلتي أنا بحب التيك توك محدش يتكلم، طيب بتكلمي متابعينك على "تيك توك" بأسلوب غير لائق ليه، ما تسيبي اللي عايز يقولك حاجة يقولها الناس أذواق في ناس مبسوطة بوجودك من وجهة نظرهم وفي ناس مضايقة وناس شايفة أنك قيمة فنية كبيرة، حتى لو هتردي عليهم قولي أنا مش لاقية شغل لكن متقوليش ألفاظ لمتابعينك على "تيك توك" إنتي كده هتخسري الوسط الفني ومتابعينك والناس اللي بتدعمك، تقبلي النقد مفيش حد كبير على النقد أبدا".

اقرا أيضا:

كمال أبو رية: فكرت أغني قبل التمثيل ومنعني الخجل

وفاة نجم Star Wars جيمس إيرل جونز عن عمر يناهز 93 عامًا

ريهام عبد الغفور تكشف سبب اعتذارها عن عدم المشاركة في مسلسل منى زكي الجديد

#شرطة_الموضة: هيفاء وهبي بفستان بسيط ووشاح برسمة "الوعل" في أحدث ظهور … الحقيبة سعرها يتجاوز 4 ملايين جنيه

سمر طارق لـ(في الفن): الراب والمهرجانات ليهم وقتهم وبذاكر القديم وبحب أم كلثوم ومحمد منير ,فيروز

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5