يسري نصر الله ينتقد Deadpool & Wolverine: اتضايقت جدًا .. فقر اللغة ملفت والتلقيح ماضحكنيش خالص

أحمد حتحوت | فى حياة المشاهير

يسري نصر الله ينتقد deadpool & Wolverine

الاثنين , 19 أغسطس 2024 - 22:35

أبدى المخرج يسري نصر الله برأيه في فيلم الأبطال الخارقين الكاسر للأرقام القياسية Deadpool & Wolverine مشيرًا لعدم انبهاره به.

بدأ يسري نصر الله منشوره على فيسبوك بتعبيره عن حبه لأول جزئين، وقال "اتفرجت امبارح على deadpool/wolverine.
اتضايقت جدا. الأفلام الأولى بتاعت deadpool كانت دمها خفيف ومسلية. Wolverine كان فيلم كويس جدا".

يسري نصر الله

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

ثم تابع يسري نصر الله شارحًا سبب مضايقة الفيلم له: "هنا ماضحكنيش خالص التلقيح طول الوقت على انتقال الفرانشيز لديزني، وانهيار فوكس، ولا الهبل بتاع التعاقد معاهم على ٩٩ سنة، ولا ال"ح نتقابل تاني؟ - لأ ماظنش". وكل الإيفيهات اللفظية الجنسية العيالي جدا، و"المشاعر" المعلبة. ملفت جدا طبعا فقر اللغة. شوية fuck على شوية shit على شوية ass مايعملوش قصائد خالدة إذا ماكانش اسمك ألان جينزبرج".

وأكمل: "فيلم ما بيحيلش لأي شيء إلا لنفسه وللشركات المنتجة له ونرجسي بشكل يضرس السنان، ومش شايف فيه أي حاجة تخليني أحس إنه بينقل عالم مارفيل لأي حتة غير حبة الطيخ والطاخ إللي انت عارف إنهم ح يخلصوا على خير طبعا بما إن الفرانشيز لازم تكمل والحمدلله wolverine ردت فيه الروح ف مش ح ندفنه تاني بقى. الكلب المقرف كان دمه خفيف".

حقق Deadpool & Wolverine إنجازًا تاريخيًا بحصد 1.086 مليار دولار في شباك التذاكر عالميًا، ما يجعله أعلى فيلم مصنف R مبيعًا في التاريخ، متغلبًا على فيلم Joker الصادر عام 2019.

وفيلم Deadpool & Wolverine من إخراج شون ليفي وبطولة ريان رينولدز وهيو جاكمان وإيما كورين وجينيفر جارنر وتشانينج تاتم وويزلي سنايبس.