"اللي يقابل حبيبي" و"بتمنى أنساك" جديد شيرين عبد الوهاب .. تعرف على تفاصيل الأغنيتين

أحمد حتحوت | فى حياة المشاهير

شيرين عبد الوهاب

الأربعاء , 7 أغسطس 2024 - 15:23 | اخر تحديث: الأربعاء , 7 أغسطس 2024 - 15:29

تستعد شيرين عبد الوهاب للعودة للساحة الفنية مرة أخرى، بأغنيتين جديدتين، بعد التعاقد مع شركة إنتاج جديدة.

الأغنية الأولى هي "بتمنى أنساك" من كلمات وألحان عزيز الشافعي وتوزيع توما.

شيرين عبد الوهاب

وثاني أعلنت عنها شيرين عبد الوهاب أغنية هي "اللي يقابل حبيبي" من كلمات تامر حسين وتوزيع توما، بحسب ما نشر حساب "شيرين ميديا".

شيرين عبد الوهاب

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

يذكر أن شيرين قد تعاقدت مؤخرًا مع مجموعة Warner الموسيقية وستطرح الأغنيتين نتيجة لتعاونهما.

ويشار إلى أن أن ليلة أمس شهدت تصاعدات في أزمة شيرين عبد الوهاب مع طليقها المطرب حسام حبيب، إذ اتهمته بتهديدها وإجبارها على العودة له وسرقة أموال من خزنة منزلها.

وأضافت شيرين عبد الوهاب: شخص مجنون ومريض نفسي ملوش أي صفة، إنسان سمّاوي غير طبيعي، يعامل بنتي بطريقة غريبة، يسألها رايحة فين وجاية منين ويخليها تشاركه كل حاجة.. للأسف مكرهها فيا وفي أبوها وفي أهلي تمامًا.

شيرين عبد الوهاب وحسام حبيب

وتابعت: أنا دلوقت مليش حد خالص، ماليش غير ربنا وأنتم والدولة، عاوزة ربنا والناس تحميني من الإنسان اللي خلاني متدمرة نفسيا وبشتكي من كل حاجة فيا ومش عارفة أتعالج، أنا بشتكي من كل حاجة في وعاوزة أكمل علاجي مع دكتوري نبيل عبد المقصود اللي ساعدني وواقف جنبي دون أي مقابل مادي، بالعكس كان بيتولى هو كل حاجة كطبيب وأب وصديق هو وأسرته اللي واقفين معايا في محنتي.

وفي تصريحات لـ ET بالعربي، رد حسام حبيب: "طبعا أنا خجلان من كل اللي بيحصل، ومش عارف أقول أية عن اللي بيحصل، بس والله العظيم أنا بريء من اللي بيحصل، ممكن يكون دا حصل عشان خاطر هي بتحاول تتصل بيا بقالها يومين تلاتة وأنا مبردش عليها، الورقة اللي شيرين بتقول بيها أنها حولت ليا مبلغ مالي، مكتوب فيها غرض التحويل لزوج، فأول حاجة كدا هو أنا زوجها !!، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت اننا اطلقنا يا هى بتكدب على البنك وقالت أني زوجها وحولتلي".