ريم أحمد: فيديو فادي خفاجة قهرني ومش في إيدي حاجة أقدمها له

محمد سليم | فى سينما وتلفزيون

ريم أحمد وفادي خفاجة

الجمعة , 2 أغسطس 2024 - 22:38 | اخر تحديث: الجمعة , 2 أغسطس 2024 - 23:37

أعربت الفنانة ريم أحمد عن حزنها على الحالة التي وصل إليها الفنان فادي خفاجة، ودفعته للظهور عبر تطبيق تيك توك للشكوى من عدم قدرته على المشاركة في أعمال فنية جديدة.

وقالت ريم أحمد خلال حوارها مع الإعلامية مروة صبري في برنامج "قعدة ستات" المذاع عبر قناة ألفا: "زعلانة طبعا على فادي، لما طلع قال في الفيديو إنه محتاج فلوس ومعندوش اختيار، وإنه خريج معهد فنون مسرحية ونقابي، دي حاجة تقهر وإحساس صعب جدا، وزعلت على الدرجة اللي وصل لها".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

ريم أحمد

أوضحت ريم أحمد سبب عدم تواصلها مع فادي خفاجة بعد الفيديو، بالرغم من الشهرة التي حصلا عليها معا بعد مشاركتهما في مسلسل "يوميات ونيس"، قائلة: "مقدرتش أعمل كده، لأن مش من حقي أحكم على حد، وأنا مش عارفة ظروفه، ولو حطيت نفسي في موضع الحكم أبقى ظالمة زي الناس اللي إتكلمت عليه وشوهت سمعته وسمعتنا، إحنا الأربعة من مسلسل ونيس إتشتمنا شتائم غير لائقة من لجان".

وتابعت: "لو كان في إيدي حاجة كنت كلمته، لكن مفيش في إيدي حاجة أقدر أساعده بيها".

وردا على سؤال على تواصلت مع الفنان الكبير محمد صبحي لمحاولة مساعدة فادي خفاجة، قالت ريم أحمد: "إتكلمنا وأستاذ محمد صبحي بيكلم فادي كتير".

طالع أيضا - انهيار ياسمين عبد العزيز في جنازة حسام شوقي ومحمود كمال ... أحمد العوضي يساندها - فيديو

فادي خفاجة

ووجهت ريم أحمد في النهاية رسالة لفادي خفاجة قالت فيها: "أتمنى يعرف يخرج من الكبوة اللي هو فيها، إحنا كلنا بنتحط في المواقف دي، وهو خانته اللحظة في نظري، لكن ألتمس لأخي مليون عذر".

يذكر أن فادي خفاجة قدم اعتذاره لمتابعيه في سبتمبر الماضي، بعد انهياره في بث مباشر بسبب عدم عرض أعمال فنيه عليه خلال الفترة الماضية.

قال فادي خفاجة خلال مداخلة هاتفية مع الإعلامي تامر أمين في برنامج "آخر النهار" المذاع على قناة النهار: "أنا مش قادر اقول حاجة غير اني كنت في لحظة ضعف وبرجو الناس زي ما شايفين اني فنان أنا انسان ولو رجع بيا الوقت مش هعمل الفيديو ومش عارف أنا عملته ازاي وانا بسعى بقالي كتير طول الوقت الناس بتقولي أنت فين احنا متربيين على ونيس" (التفاصيل)

وكان فادي خفاجة فاجأ متابعيه بانهياره على "تيك توك" في بث مباشر، بسبب عدم عرض أعمال فنيه عليه خلال الفترة الماضية.

وظهر فادي خفاجة في حالة انهيار وهو يتحدث عن لجوئه إلى جولات تيك توك بسبب عدم عرض أعمال فنيه عليه وقال: "اضطريت أدخل في جولات تيك توك لإني مش لاقي شغل والفنانة وفاء عامر حاولت كتير تجيبني معاها في أعمال فنية لكن مفيش فايدة قاعد في البيت من غير شغل". (التفاصيل)

اقرأ أيضا:

شريهان تحتفل بعيد ميلاد ابنتها "تالية": معجزة ربي

محمد فؤاد يتحدث عن مرضه باكيا: العين صابتني بعد فرح ابني بسبب سعر الجاكيت ... هبيعه واتبرع بسعره لمستشفى السرطان

الوسط الفني كله بيبكي النهاردة ... هكذا نعى النجوم ضحايا حادث الضبعة

أحمد فهمي ومي عمر ومحمد سامي وأيتن عامر من بينهم … النجوم في جنازة المنتج تامر فتحي

لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5