مي كساب لشيرين عبد الوهاب: ما حدش هينقذك غير نفسك ... فوقي

مي جودة | فى حياة المشاهير

شيرين عبد الوهاب ومي كساب

السبت , 6 يوليو 2024 - 19:07 | اخر تحديث: السبت , 6 يوليو 2024 - 19:07

وجهت النجمة مي كساب رسالة لصديقتها النجمة شيرين عبد الوهاب بعد انتشار أنباء عن شجار جديد جمعها بطليقها الفنان حسام حبيب وصل لحد التعارك بالأيدي ومحضر تنازلت عنه فيما بعد.

كتبت مي كساب عبر حسابها بموقع X: "إلي أختي وصديقه العمر شيرين عبد الوهاب، رجعيلنا شيرين ما حدش هينقذك ولا هيرجع حقك غير نفسك فوقي إنتي شيرين عرفتك قويه وجدعه وكريمه وصادقه ومعافره قومي خدي نفسك وعافري وإقفي تاني علي رجلك اردمي الماضي ده وإبدأي صفحه جديده عشان خاطرنا كلنا اللي بنحب شيرين إنقذي إنتي شيرين".

مي كساب

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

يذكر أنه نشب شجار جديد بين شيرين عبد الوهاب وطليقها الفنان حسام حبيب، وقامت شيرين عبد الوهاب بتحرير محضر ضد حسام حبيب في قسم شرطة التجمع الخامس، بعد تعديه عليها وتعرضها لإصابات، ثم تصالحت وكلفت محاميها بتسوية الأمر.

مي كساب

خلال الفترة الماضية انتشرت مقاطع صوتية لحسام حبيب وهو يتحدث عن أسرة طليقته شيرين عبد الوهاب، مشيرا إلى أنهم آذوها وهم سبب خلافها مع شركة روتانا.

قال حسام حبيب: "أولا (الفويسات) دي أنا مصرحتش بيها، دي حاجات متسربة ومتاخدة من تليفوني، وأنا هقدم بلاغ ضد اللي عمل كدة، لأن دي مصرحتش بيها لحد، ولا للصحافة، ودي جريمة يعاقب عليها القانون، وأي حد هينشر كلام أنا مصرحتش بيه هتقدم ضده ببلاغ وأنا بحذر أي حد هيستخدم الحاجات دي"، حسب تصريحاته لبرنامج "ET بالعربي".

وتابع: ثانيا، محتوى الموضوع أن أخوها مضى توكيل بأثر رجعي، إنه يتنازل عن مواقع التواصل الخاصة بشيرين عبد الوهاب دون علمها، دا كلام مقدم في بلاغ عن طريق الأستاذ ياسر قنطوش للنائب العام، وتقدروا تتحققوا من الكلام دا، أنا مابقولش كلام مرسل، ولا اتهامات مش موجودة، أنا بقول اتهام شيرين مقدمة بيه ببلاغ عن طريق محاميها.

شيرين عبد الوهاب

وأكدت شيرين عبد الوهاب كلام حسام حبيب وقالت في تسجيل صوتي أرسلته للإعلامي عمرو أديب لعرضه في برنامج "الحكاية": فوجئت باللي حصل على السوشيال ميديا بين محمد عبد الوهاب وحسام حبيب، وحبيت أكد أن كلام حسام مضبوط جدا، وأخويا فعلا باعني، والتصريح اللي نزل دا نزل من محامي محمد شاعر المستولي على السوشيال ميديا بتاعتي، وبالتوكيل أنا كنت عاملة له قديم، مضى له ورقة أو عقد تملكه من حساباتي، وموقعين بتاريخ قديم، كل كلام حسام حبيب مضبوط، وماتصدقوش أي حاجة من كلام محمد عبد الوهاب".