كندة علوش تكشف تفاصيل إصابتها بالسرطان: تلقيت الخبر بهدوء وشعري كله وقع

مي جودة | فى حياة المشاهير

كندة علوش

السبت , 22 يونيو 2024 - 21:57 | اخر تحديث: السبت , 22 يونيو 2024 - 22:54

كشفت الفنانة كندة علوش لأول مرة تفاصيل إصابتها بالسرطان، ومعاناتها في رحلة العلاج على مدار العام ونصف العام الماضيين.

وقالت كندة في بودكاست مع الإعلامية منى الشاذلي عبر قناتها على يوتيوب، إنها بعد 9 أشهر من ولادة ابنها "كريم" بدأت تشعر بآلام أثناء الرضاعة، فتوقفت عن الرضاعة الطبيعية.

وأضافت: "استمر الألم 5 أشهر بعدها ولم يتوقف، فقررت عمل فحص للثدي، وحينها علمت بوجود أكثر من ورم خبيث.. ولما عرفت بإصابتي بالسرطان قعدت متنحة شوية، بس منهارتش ومعيطتش".

الفنانة السورية كندة علوش

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتابعت كندة: "ربنا نزّل عليا من أول ثانية سكينة وطمأنينة رهيبة من وقتها، وبقالي سنة وشهر بتلقى العلاج الكيماوي، وعمرو جوزي كان بيصر يجي معايا جلسات الكيماوي، وكنت بقرأ قرآن خلالها".

وواصلت كندة علوش: "عندي تاريخ مرضي في العيلة مع السرطان خالي وجدتي وخالتي توفوا بيه، بس مكنتش متوقعة يجيلي.. ورفضت إني أقول لحد عشان كنت عاوزة أخوض الرحلة لوحدي، ومحدش يتعامل معايا كمريضة، عشان مدخلش في موود المرض وأتعب بزيادة".

عمرو يوسف وزوجته كندة علوش وابنته حياة

واستطردت: "قررت أعيش حياتي بشكل طبيعي، لأن أولادي صغيرين فمينفعش أدخل أجواء المرض للبيت.. وكنت بسيبهم في المصيف كل أسبوع آجي أخد جرعة الكيماوي وارجع في نفس اليوم.. وده كان شيء مرهق جدا".

وأكدت كندة علوش أنها اتفقت مع زوجها عمرو يوسف أنهما عليهما الوصول للحل، علينا الوثوق في طبيب بعينه دون السؤال واللجوء لأكثر من رأي، وقالت: "والد عمرو أصيب بنفس المرض، فذهبنا لطبيبه، وكان هناك خطة، 6 شهور من العلاج الكيماوي، وفيما بعد العملية، وبعدها، هنكمل كيماوي وهرموني واشعاعي، وأنا حاليا في مرحلة الكيماوي بالإضافة للهرموني وانتهيت من الإشعاعي، عدى على يوم علمي بالمرض سنة وشهر".

وتابعت: بعد ما عرفت بالمرض بدأت أول جلسة كيماوي بعدها بأسبوع، بعد عيد ميلاد ابني، الرحلة الآن عندما اتذكرها افتكرها بذكريات لطيفة، كنت بروح أنا وعمرو وكنت بقرأ قرآن، كنت عايزة أخوض التجربة لوحدي، وكنت بطلب من عمرو مايجيش بس هو مكنش بيرضى، كان بييجي يقرأ الاسكربت وأنا بنام أو اقرأ قرآن أو اتأمل، ورفضت الحديث عن مرضي لأي شخص لأني مكنتش عايزة اتعامل كمريضة، مش إنكار ولو عشت في المود دا هتعب، بس أنا اخترت أكون طبيعية وعايشة حياتي بشكل طبيعي، وعمر أطفالي سنتين و5 سنين، مايدنيش رفاهية إني أتدلع أو اعيا، هما عايزين يلعبوا وكان لازم اعمل معهم كدة، وكنت بتعب، وكنا في المصيف، كنت برجع 3 ساعات اخد الجلسة، وارجع 4 ساعات عشان اوصل هناك، وجسمي كله تعبان، والأطفال عايزين يلعبوا، وكنت بلعب معهم وأنيمهم وأكلهم، التفاصيل دي ساعدتني اني اعدي الرحلة بسلاسة وبساطة وإيجابية.

واستكملت كندة علوش: بنحط الطاقية التلج على راسنا عشان الشعر مايقعش، بس أنا شعري وقع 60% منه، ولحسن حظي شعري وقع من كل راسي، بان شعري أخف، وأنا الآن أضع وصلات.

اقرأ أيضا:

جيني تدافع عن شيرين عبد الوهاب: اللي يشوف مراته حالتها الصحية والفنية بتدهور كده يبقي سبب

محمد سعد يعود للسينما مع وائل إحسان بفيلم "دكتور عدوة"

رقص أميرة أديب وشقيقها على أنغام "فرتكة" (فيديو)

محمد إمام بعد احتلال فيلمه "اللعب مع العيال" المركز الثاني في إيرادات عيد الأضحى: مش اي حد يقدر ينزل قدام "ولاد رزق"

لا يفوتك: #نظرة_على_المشهد_الأخير قصة مـ..قتل نيازي مصطفى بطريقة سـ..ـا دية التحقيق مع 65 كومبارس وسر ظهور فاروق الفيشاوي في الصورة

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5