نجوى فؤاد: الشيخ الشعراوي قال لي إن ربنا فتح لي السكة دي عشان أكل عيش ... واعتزلت بسبب "الاساتوك دا"

مي جودة | فى حياة المشاهير

نجوى فؤاد

الجمعة , 31 مايو 2024 - 01:05

كشفت الفنانة نجوى فؤاد عن حوار دار بينها وبين الشيخ متولي الشعراوي حول الرقص، مبينة سبب اعتزالها.

نجوى فؤاد: "مرة سألت الشيخ الشعراوي، كنا في طائرة واحدة عائدين من الغردقة، وسألته هو الرقص حلال ولا حرام، قال لي لو حرام أو حلال، مكنش ربنا فتح لك السكة دي، ومكنش نجحك فيها، هو اللي قسم لك كدة، الحساب بقى عنده".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

نجوى فؤاد

وتابعت: هو قال لي لا أقدر أقول لك حرام أم حلال، لكن ربنا فتح لك الطريق دا عشان تاكلي عيش منه، محرمش ومحللش، ولكن قال لي في حساب عند ربنا بقى، وأنا ماعملتش حاجة عشان اتوب.

نجوى فؤاد

وأضافت نجوى فؤاد: أنا اعتزلت الرقص عشان حاجة بسيطة جدا، وأنا واقفة على المسرح بعرض "قمر 14"، كان بيقول لي "الأساتوك دا" وانا معرفش يعني إيه الاساتوك دا، وقفت الموسيقيين وسألتهم إيه الاساتوك يا جماعة وقالوا لي غنوة شعبية، قولت هنقارن الأغنية الشعبية من موسيقار الأجيال بالأساتوك؟ رحت قافلة الستارة بايدي مع إنها الكترونية، وقعدت على الأرض وقلت خلاص، وخليت كل الفرقة تلم فساتيني، وكل ما يخصني، ومليت عربيتين صغيريت وروحت، ولن أعود أبدا للرقص بعدها.

يذكر أن نجوى فؤاد مرت مؤخرا بأزمة صحية كبيرة، ونقلت إلى المستشفى لإجراء الفحوصات الطبية، وأجرت الفحوصات اللازمة وما أن اطمئن الأطباء على صحتها غادرت المستشفى وعادت إلى منزلها، وطلبت من جمهورها الدعاء لها، بحسب تصريحاتها لجريدة الوطن.