القصة الكاملة لتلويح محمد رحيم بالاعتزال بعد تجاهل دعوته لحفل "ليالي سعودية مصرية"

محمد سليم | فى موسيقى وحفلات

محمد رحيم

الاثنين , 19 فبراير 2024 - 22:02 | اخر تحديث: الاثنين , 19 فبراير 2024 - 22:02

فوجئ جمهور الفنان محمد رحيم خلال الساعات الماضية برسالة نشرها عبر حسابيه الرسميين في موقعي التواصل الاجتماعي فيسبوك وإنستجرام، يعلن فيها تعليق جميع نشاطاته الفنية لأجل غير مسمى وحتى إشعار آخر، بالإضافة إلى تلويحه باعتزال الفن والسفر خارج البلاد.

وكتب محمد رحيم في رسالة وجهها لجمهوره ومتابعيه: "تعليق كل نشاطاتي الفنية لأجل غير مسمى حتى إشعار آخر، مع احتمالية اعتزال المهنة والسفر خارج البلاد".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

رسالة محمد رحيم

ونشر محمد رحيم رسالة طويلة شرح فيها أسباب اتخاذه هذا القرار، بسبب عدم دعوته لحضور حفل "ليالي سعودية مصرية" الأول، الذي أقيم في دار الأوبرا المصرية مساء أمس الأحد 18 فبراير، بحضور كوكبة كبيرة من نجوم الفن والإعلام.

وقال محمد رحيم في رسالته: "سؤال ياجماعه هو ينفع حفله زي دي تعزموا كل ملحنين وصناع الموسيقى في مصر الا محمد رحيم طيب ازاي ؟؟ ده أشهر وأهم اغاني النجوم دي كلها من اعمالي يعني شيرين اللى طلعت غنت مشاعر والوتر الحساس وصبري قليل كل دي حاجات محمد رحيم مع احترامي لكل المبدعين اللى موجودين طبعا كلهم فوق راسي واخواتي وعمرو دياب اللى قاعد ده انا واخد معاه جائزه ال ميوزيك اوورد العالميه وطلع غنى غنوتي وهو بيستلم جائزته سنه 2001 (حبيي ولا على باله ).

طالع أيضا - عمرو دياب وكريم عبد العزيز ومنة شلبي ودينا الشربيني من بينهم ... 80 صورة وأكثر لنجوم حفل "ليلة سعودية مصرية"

محمد رحيم

وأضاف: "ومعالي وزيره الثقافه اللى شرفت الحفله حرفيا وهي سيده فوق الوصف في الاخلاق وبكن ليها كل حب واحترام هي اللى سهلتلي إجراءات السفر لفرنسا من كام شهر علشان اروح استلم جائزه العضويه الكامله الماسيه اللى هى آخر حاجه ممكن يحصل عليها ملحن أو مؤلف على مستوى العالم وبالمناسبة وانا هناك جبت معايا كل شهادات التقدير والاحتراف بتاعة زملائي الأصغر مني سنا كلهم اللى كانوا أول مره بيتكرموا وساعتها قلت ان مصر أكبر دوله حصلت على تكريمات السنادي من مؤسسه SACEM.FR باريس في مجال الموسيقى".

رسالة محمد رحيم

وتابع: "حتى الفنان محمد منير اللى حضوره نور الحفله انا اللى عامله يونس وياحمام وقلبي ميشبهنيش اللى هما بالمناسبه كلمات الشاعر العظيم عبد الرحمن الابنودي اللى مكانش بيشتغل غير معايا من جيل الملحنين الشباب إيمانا بموهبتي وحققنا نجاحات كبيره جدا الحمد لله سوا وبالمناسبه هو اللى كاتب عيون القلب اللى اللى لحنها الموسيقار الموجي يعني منير لو كان غنى يونس امبارح كان هيبقى الخال الابنودي اتغناله عملين في نفس الحفله عيون القلب لحن الموسيقار محمد الموجي ويونس لحن محمد رحيم طيب".

رسالة محمد رحيم

وأكمل: "ولو اتكلمنا عن الليالي المصريه السعوديه والتعاون مابين أكبر بلدين عربيتين في مجال الفن طب وهو فيه تعاون احلى من التعاون اللى حصل بيني وبين الشاعر السعودي الكبير سعود الشربتلي اللى كتب غنوه الوتر الحساس لشيرين وانا لحنتها وتعبت فيها وبذلت فيها مجهود كبير لحد ما نزلت والحمد لله حرفيا هي النهارده أغنيه عربيه عالميه (قولا واحدا) لأن كل جنسيات العالم بيغنوها بالعربي ومواقع التواصل موجوده وتشهد".

رسالة محمد رحيم

واختتم محمد رحيم رسالته قائلا: "معرفش بس حبيت اسأل يعني هو لحد امتى المبدع المجتهد هنفضل نحط من قدره ونقتله معنويا بالشكل ده وهل ده مقصود ولا حدث سهوا وعلى فكره انا بتكلم عموما في المبدأ مش بس الجزء اللى يخصني معرفش ليه الموقف ده فكرني بغنوه بتاعتي غنتها نانسي عجرم اسمها (في حاجات تتحس ومتتقالش ) بس لما تلاقيها مش بتتحس بتضطر تقولها !!!!".

شيرين عبد الوهاب خلال الحفل

كما نشر محمد رحيم عددا من الصور من الحفل، وللأغاني التي ذكرها في رسالته.

وشهد حفل "ليالي سعودي مصري" بالأمس حضور عدد كبير النجوم، الذي حضروا للاستمتاع بوصلات الحفل الثلاث للنجوم محمد منير، وشيرين عبد الوهاب، وماجد المهندس.

عمرو دياب لحظة استلام جائزة ورلد ميوزك أورد

كان أبرز الحضور من نجوم الفن والإعلام عمرو دياب وكريم عبد الغزيز وحميد الشاعرى ومحمد فؤاد ومصطفي قمر ومنى الشاذلى وعمرو الفقي وإسعاد يونس ومحمد عبد المتعال ومحمود المملوك ومجدي الجلاد ولميس الحديدي ويسرا وليلي علوي والهام شاهين وآمال ماهر ود. أشرف زكي نقيب الفنانين ورامي عادل إمام ود. مدحت العدل ونيللي كريم وصلاح عبد الوهاب وأشرف عبد الباقي وأحمد فهمي وغيرهم ممن يصعب حصرهم.