خاص جيسيكا حسام لـ"في الفن:" اختاروني لـ"المعزة" من بين 5000 بنت وأتمنى الناس متكرهنيش في الجزء التاني من "كامل العدد"

نهال ناصر | فى سينما وتلفزيون

جيسيكا حسام

الثلاثاء , 26 ديسمبر 2023 - 14:56 | اخر تحديث: الثلاثاء , 26 ديسمبر 2023 - 14:56

خاضت الممثلة الشابة جيسكيا حسام تجربة البطولة مبكرا من خلال الفيلم "المعزة" الذي عرض عربيا لأول مرة خلال الدورة السادسة من مهرجان الجونة السينمائي.

قدمت جيسكيا حسام دور "هادية" ابنة مدينة "زرزورة" التي تتعرض لمواقف صعبة تدفعها للهرب من القرية التي تعيش فيها وتخوض رحلة صعبة في الصحراء مع "معزة" هي التي تساندها.

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتحدثت جيسيكا حسام لـFilFan.com عن كواليس الفيلم والصعوبات التي واجهتها.

نرشح لك: "أبو نسب" في الصدارة بمليون و22 ألف جنيه و"شماريخ" يحتفظ بالمركز الثاني وهذا الفيلم حقق 779 جنيها ... تعرف على إيرادات السينما المصرية أمس

في البداية عبرت جيسيكا عن سعادتها كونها تخوض تجربة البطولة في سن صغير وقالت: "مبسوطة إني بطلة الفيلم مكنتش متخيلة إني ممكن أحقق حاجة زي دي وهي حاجة كان نفسي أحققها، أنا مش مستوعبة أني بطلة دي كان حلم كبير يتحقق".

جيسيكا حسام من ختام مهرجان الجونة

وعن كواليس الفيلم ومشاركتها فيه قالت: "الفيلم جالي قبل تصويره بسنة عملت اختبار أداء كانوا بيختاروا من بين أكتر من 5000 بنت كان موضوع كبير بس الحمد لله أخدوني وبدأت أتدرب عليه، ومامتي هي مدربتي".

مشهد من فيلم The Goat

وكشفت جيسكيا حسام عن صعوبات الفيلم وخاصة مشهد الاغتصاب والولادة وقالت: "الفيلم نفسيا وأنا بصور كان في مشاهد أثرت عليا ولما رجعت وخلصت التصوير فضلت متأثرة يومين وكنت بفضل أعيط لكن في نفس الوقت كان عندي إرادة عشان أعمل الفيلم دا".

جيسيكا حسام من The Goat

طوال الفيلم تعيش جيسيكا حسام رحلة مع "معزة" وحكت كيف توطدت علاقتها بها: "علاقتي بالمعزة كأنها علاقتي بالكلب بتاعي تعاملت معها قبل التصوير بشهر أسمعها صوتي كنت فاكرة أن في الأول هقدر اتعامل معاها بسهولة فضلت أكلها عشان تحبني ودا بنا بينا علاقة أكبر".

أما عن صعوبات التصوير قالت: "التصوير كان في الشتاء وكان صعب جدا طول الوقت لابسه جلابية خفيفة في الصحراء كان البرد قوي جدا".

وعبرت عن سعادتها بتعاونها مع النجوم في الفيلم وقالت: "عمرو سعد كأنه بابايا وعلى طول بينصحني ويدني حاجات أعملها عشان أبقى أحسن ولما سافرنا سوا وقت عرض الفيلم في روما بنينا علاقة قوية، وأستاذ سيد رجب مشاهدي معاه كانت صعبة وكان مهتم جدا بيا".

جيسيكا حسام

وعبرت جيسكيا حسام عن سعادتها برد الفعل على الفيلم بعد عرضه في روما وقالت: "مكنتش متخيلة رد الفعل مبسوطة أوي بيه".

وبعيدا عن "المعزة" تشارك جيسيكا حسام في الجزء الثاني من مسلسل "كامل العدد" وقالت عنه: "مش عايزة الناس تكرهني في الجزء التاني من كامل العدد إن شاء الله الجزء التاني يبقى أحسن من الجزء الأول".

وعن جديدها قالت: "عندي فيلم عالمي هيبدأ تصويره 2024، وفيلم "أصل الحكاية" خلصت تصويره وهينزل في شهر واحد ومسلسل تاني لكن مش هقول اسمه بس هيتعرض برا رمضان".

جيسيكا حسام من جلس ةتصوير

وكشفت جيسيكا حسام عن أمنيتها في تقديم استعراضية وقالت: "نفسي أقدم حاجات في استعراض هتبقى حاجة تضيف عندي في موهبتي وهتبين أكتر الحاجات اللي بعرف أعملها، بعرف أمثل وأرسم وبركب خيل".