رانيا فريد شوقي لأختها ناهد: بعتذرلك أني اعتدت وجودك في حياتي

نادين يوسف | فى حياة المشاهير

رانيا فريد شوقي وأختها ناهد فريد شوقي

الخميس , 7 ديسمبر 2023 - 15:10 | اخر تحديث: الخميس , 7 ديسمبر 2023 - 15:10

عبرت الفنانة رانيا فريد شوقي عن حزنها بعد فقدان أختها المنتجة الراحلة ناهد فريد شوقي والتي رحلت عن عالمنا يوم الثلاثاء الماضي.

نشرت رانيا فريد شوقي صورة عائلية تجمعها بأختها الراحلة ناهد فريد شوقي على حسابها بموقع انستجرام وكتبت معلقة "للأسف بنعتاد الأحباب في حياتنا كأنهم خالدين في الدنيا زي ما نعتاد النعم كأنها مستمرة الي الأبد و ده من عيوب البشر"

ناهد فريد شوقي

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضافت " أختي الحبيبة الغالية ناهد انا بعتذر لك لأني اعتدك في حياتي يمكن خيالي كان اضعف من إني اتصور فراقك يمكن خدتنا مشحانات الدنيا و ربنا نور بصيرتنا و رجعنا لحضن بعض و الحب اللي اتربينا عليه و حبنا لبابا كان دايما بيجمعنا يمكن لاني تنسيت اننا بنكبر كلنا يمكن لأني جيت الدنيا لقيتك اختي الكبيرة القوية العنيدة اللي ماتعرفش حاجة اسمها استسلام و ارادتها من حديد قوتك كانت بطمني عليكي"

ناهد فريد شوقي

وتابعت " انا مش عارفه انا بكتب ايه بس اللي حساه اكبر بكتير من أي كلام مازلت مش مستوعبه و لما حد بيقول الله يرحمها بتخض في الفترة الأخيرة كنت بشوف فيكي بابا بكل حركاته و طريقة كلامه و نظراته و هزارك و قولت للاحفاد اللي ماشفوش جدهم ناهد بقت نسخة من جدكم لما تشفوها كأنكم شفتوه"

نرشح لك: #شرطة_الموضة: كيف تغلبت سلمى أبو ضيف على الجزء الشفاف في فستانها في عرض "أنف وثلاث عيون" بمهرجان البحر الأحمر؟

نقابة المهن السينمائية وناهد فريد شوقي

واختتمت حديثها قائلة "سبحان الله و الغريب اني من الشخصيات اللي بتخاف تدخل علي حد متوفي لانه بيبقي آخر انطباع بيفضل في الذاكرة عن الشخص لكن لما دخلت و شوفت وشك مبتسمه كأنك نايمة و بتحلمي حلم جميل حسيت انك شوفتي فريد ابنك بيستقبلك و خدك لحبايبك بابا و طنط هدي و مها أختنا ده تفسيري لابتسامتك الهادية الجميلة الواضحة اوي اللي هونت علينا كلنا فراقك و اللي مش هتفارقني اللي باقي من عمري كنتي راضية بكل اقدار الله و مسلمه أمرك لله إلي ان نلتقي يا اختي سلميلي علي بابا و قوليله الحياة من غيرك مش حياة و نفسي يجيلي في الحلم بقاله فترة غايب عني هتوحشيني اوي يا حته من ابويا و من قلبي"

كانت جنازة ناهد فريد شوقي قد شيعت من مسجد الشرطة في الشيخ زايد وسط حضور نخبة كبيرة من النجوم.

اقرأ أيضا:

من "أنا مريضة بأمي" إلى "خايفة عليها ومش عايزة أسيبها لوحدها" … كيف تحدثت ناهد السباعي وناهد فريد شوقي عن علاقتهما

الصور الأولى من جنازة ناهد فريد شوقي

أول تعليق من ناهد السباعي بعد وفاة والدتها: كل حياتي

رسالة مؤثرة من ريهام عبد الغفور لوالدها: قلبي وضهري اتكسروا

لا يفوتك: #شرطة_الموضة: أجمل وأسوأ إطلالات النجمات في افتتاح مهرجان البحر الأحمر الدولي 2023

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5