ماذا قال عمرو أديب لابنه خالد في حفل زفافه؟ .. هكذا سخر من صلعته

مي جودة | فى حياة المشاهير

عمرو أديب في حفل الزفاف

السبت , 18 نوفمبر 2023 - 01:28 | اخر تحديث: السبت , 18 نوفمبر 2023 - 01:57

احتفل الإعلامي عمرو أديب بزفاف ابنه الأكبر خالد، مساء الجمعة 17 نوفمبر الجاري، في حفل حضره الأهل والأقارب.

وخلال حفل الزفاف، قدم خالد والده للحضور قائلا: "الرجل اللي طمني إن كل حاجة أنا عمري هحتاجها هتبقى موجودة، وفي نفس الوقت، الرجل اللي رعبني طول عمري إن شعري هيقع، وموقعش، سيداتي آنساتي .. أستاذ عمرو أديب".

قبلة بين عمرو أديب ولميس الحديدي ودعم لفلسطين … أبرز لقطات حفل زفاف خالد أديب

عمرو أديب

View this post on Instagram

A post shared by FilFan.com (@filfan)

وخرج الإعلامي الشهير بين صفوف الحضور، ليوجه لابنه كلمة، قال فيها: "طبعا بداية غير جيدة وغير موفقة، إنه يتكلم عن شعري، هو كدة خسر نص الهدية ونص شهر العسل، ونص كل حاجة".

نرشح لك: الصور الأولى من حفل زفاف نجل عمرو أديب

وتابع: عايز أقول لكم على حاجة مهمة، لو في ميزة في كل رجالة وأبناء عيلة أديب، إنها ناس طيبة جدا، يعني كلنا بشكل أو بآخر ممكن يبقى فينا عيوب الدنيا، لكن هتلقى البذرة اللي جوانا ناس طيبة وأميرة، عشان كدة أنا انهاردة بهدي ابني وهو أحد الطيبين في عيلة أديب، وشخص أمير جدا لمراته، فرح، وأقول لها حافظي على الطيبة دي، واستغليها لأنها أساس استكمال الحياة، احنا بقينا في عصر قليل فيه أوي الطيبين، لذلك أنا فخور جدا إني بنتمي للعيلة دي.

وأضاف: أشكر حضراتكم جدا على حضوركم، كان نفسي أعيط بس مش جاي معايا عياط، إنما هسيب لكم انتم العياط، وبشكر لكل حد جالنا في الظروف دي، وبقول له أنا بحبك يا ابني جدا جدا جدا جدا، وبحب فرح جدا جدا جدا، ونفسي يعملوا كل الحاجات اللي مقدرناش نعملها، طبعا محدش يقدر يعمل الحاجات اللي عملناها، أنا بشكركم وسعيد بكم، اليوم بشوف أهلي اللي بقالي كتير ماشوفتهمش.

خالد هو الابن الأكبر لعمرو أديب من زوجته الأولى، درس المسرح في الجامعة الأمريكية، بدأ حياته المهنة كـ "ستاند أب كوميدي"، والآن هو الرئيس التنفيذي لشركة GME التي تنتج برنامج "بالبيجامة".

وكان قد احتفل بالخطبة في شهر أغسطس الماضي في حفل عائلي في إحدى القاعات المطلة على نهر النيل، ضم الحفل العائلة والأصدقاء ومنهم الفنانة منال سلامة، أميرة أديب، عادل أديب، الإعلامي شريف نور الدين.