مصطفى بسيط لمنتقدي بيومي فؤاد : انت بتشارك في تقطيع بني آدمين زيك زيهم

مروة لبيب | فى حياة المشاهير

الثلاثاء , 7 نوفمبر 2023 - 01:58 | اخر تحديث: الثلاثاء , 7 نوفمبر 2023 - 01:58

دافع الفنان مصطفى بسيط عن الفنان بيومي فؤاد والفنان محمد أنور بعدما تعرضا لانتقادات بسبب مشاركتهما في مسرحية "زواج اصطناعي" ضمن موسم الرياض وتصريحات فؤاد التي شن فيها هجوما على الفنان محمد سلام.

وعبر حسابه على انستجرام كتب مصطفى بسيط "الفتنة خلاص كل الناس شيرت اللي مع واللي ضد.. وكله كتب بوستات وشير واتبسط.. خلاص خلصنا مزايدات على بعض وخونا وكدبنا بعض.. افهم إنك بتشارك في تقطيع بني آدمين زيك زيهم.. وكلهم بيدافعوا عن نفس القضية.

وأضاف مصطفى بسيط: طب كل ده عشان ايه التريند والسوشيال ميديا اللي بقت بتحركنا كلنا، لدرجة إننا بنشير اللي لينا فيه واللي ملناش برضو فيه، وقررنا فجأة أننا نستبيح الناس وأعراضها وعائلتها كل ده عشان اللقطة أو الريتش، وبقى كل حد من حقه أنه ينتقد ويشتم في الناس طالما مفيش حد هيحاسبه.

منشور مصطفى بسيط

وتابع مصطفى بسيط: بس خليك فاكر إن مفيش حد هيحاسبك على كلامك وفتنتك دي هنا في السوشيال ميديا، لكن لما يتوفانا الله ويوم الحق، وأعرف كويس أن أي بوست أو كومنت أو هجوم على شخص أنت متعرفش عنه حاجه ربنا هيجيبله حقه منك ومن غيرك ربنا العدل لأنه قال: ما يلفظ من قول إلا لديه رقيب عتيد.. فخليك فاهم كويس إن كل لفظ وكلمة هتطلع منك بتتكتب وهتتحاسب عليها.

واختتم مصطفى بسيط: أنا مش بدافع عن حد، أنا لا مع ولا ضد لأن مش لازم كل حاجة يكون ليا فيها رأي.. ربنا يهدينا جميعًا ويصبر أهالينا في فلسطين.

بيومي فؤاد

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وشهدت الساعات الماضية حالة من الجدل، بعد قيام الفنان بيومي فؤاد بمهاجمة الفنان محمد سلام في نهاية عرض مسرحية "زواج اصطناعي" بموسم الرياض قائلا: "من حقك أنك تعتذر عن المسرحية لكن مش من حقك أنك تغلط في فنك، إحنا مبنجيش علشان نضحك حضراتكم إحنا بنقدم فننا المصري إنتوا بتحترمونا وإحنا بنحترمكم جدا شيء عظيم أني أخرج اتصور مع شاب سعودي ومع سيدة سعودية وهي تعلم أني مصري أنا بشرف بلدي".

بيومي فؤاد من مسرحية "زواج اصطناعي"

وتابع: "أنا فنان مصري وليا الشرف جيت المملكة العربية السعودية وليا الشرف كتر خيركم كتر خيركم كتر خيركم، إحنا بنتعب وبنشقى عشان نقدم فن مش عشان نيجي نضحك لو الموضوع كده يبقى في فنانين من أيام نجيب الريحاني لغاية محمد أنور المفروض ينتحروا إحنا بنقدم فن".

وكان محمد سلام نشر فيديو عبر حسابه بموقع Facebook قال فيه، إنه توقع أن يتم إلغاء موسم الرياض بسبب الأحداث التي تشهدها غزة، بعد قرار إلغاء مهرجانات كبيرة مثل القاهرة السينمائي والجونة، لكن ذلك لم يحدث فاضطر للاعتذار عن السفر، لأنه لن يستطيع أن يقدم كوميديا ويرقص، تزامنا مع ما تشهده فلسطين من أحداث مؤسفة.

بيومي فؤاد من مسرحية "زواج اصطناعي"

وأوضح سلام أنه شعر بأنه لو فعل ذلك كأنه يساهم في قتلهم أيضا، وهو ما رفضه تماما، رغم يقينه أن القرار قد يأتي بنتائج عكسية له، ويؤثر على عمله ودخله فيما بعد، لكنه أصر، وقال: "مش هموت من الجوع".