نجوم دعموا القضية الفلسطينية بكلمات ومواقف قوية ومؤثرة تصدروا التريند من بعدها

مي جودة | فى حياة المشاهير

مكي وويجز وسلام وباسم يوسف

الجمعة , 3 نوفمبر 2023 - 20:05 | اخر تحديث: الجمعة , 3 نوفمبر 2023 - 20:08

العديد من النجوم في الوطن العربي كتبوا منشورات عن القضية الفلسطينية، وكثيرون من أعلنوا إيقاف حفلاتهم أو تبرعهم بأجورهم من أجل إغاثة غزة، ولكن تبقى بعض الكلمات مؤثرة في نفوس الجماهير العربية.

ربما السبب وراء انتشار هذه الكلمات بقوة واحتلال أسماء قائليها التريند هو حدتها أحيانا أو تأثر قائلها، وأيضا لتأثيرها، وهم:

محمد سلام

بدأ النجم محمد سلام القائمة بكلمات وموقف لا يمكن نسينانه بعد اعتذاره عن عدم المشاركة في موسم الرياض بمسرحية "زواج اصطناعي"، وقال في فيديو نشره عبر حسابه بموقع Facebook: "هنعرض في وسط الأحداث اللي بتحصل في غزة فأنا مش متخيل إني هروح أعمل مسرحية واهزر وارقص واخواتنا في فلسطين عمالين يتقتلوا ويدبحوا ومفيش حاجة بتحصلهم، أنا مش هقدر أسافر طبعًا وليه بقول الكلام ده في آخر لحظة المفروض إني أسافر بكره إنشالله لأني كنت على أمل أن الموسم يتلغي أو يتأجل مثل مهرجانات الجونة والقاهرة أو الموضوع يهدى في فلسطين، ونقدر نعرض لكن مفيش حاجة بتحصل لحد دلوقتي في ناس عمالة تموت ومفيش حاجة بتحصل، فأنا ازاي أروح اعرض وناس بتموت في فلسطين".

وتابع: حاسس لو أنا عملت كده هبقى كأني زي اللي بقتلهم بالظبط، هبقى خذلتهم وهبقى بغني وارقص، فأنا بعتذر عن المشاركة في موسم الرياض واللي بيحصل في فلسطين قضية كل مسلم، وواجب على كل مسلم، فأنا مش في إيدي حاجة أقدر أقدمها، فلما نموت وربنا يسألنا عملت إيه لأخوك في فلسطين أنا هرد أقول إيه؟ هقول في وقت الأحداث في فلسطين أنا كنت بعمل مسرحية كوميدية وبرقص وأغني فأنا مش هقدر أعمل كده".

View this post on Instagram

A post shared by Mohamed Sallam - محمد سلام (@m0hamed.sallam)

باسم يوسف

وجاء بعدها مقدم البرامج الساخر باسم يوسف، الذي خرج في برنامج إنجليزي مرتين مع الإعلامي بيرس مورجان، ليشرح ويتحدث عن القضية الفلسطينية منذ بدايتها، الأولى كانت بطريقة ساخرة وغاضبة مليئة بالألفاظ الخارجة، والثانية جاءت عقلانية هادئة تحدث فيها عن بداية الصراع الفلسطيني الإسرائيلي.

طال اللقاء المنتظر ساعتين تقريبًا وووجه فيه باسم يوسف تساؤلات هامة منها "لماذا لا تعطي أمريكا جزء من فلوريدا لإسرائيل؟"، كما أنه انتقد المعايير المزدوجة عند الغرب مشيرًا لأنهم لا يهتمون بحقوق الإنسان كما إدعوا.

أحمد مكي

ورغم قلة ظهوره الإعلامي، ظهر النجم أحمد مكي في فيديو جديد عبر حساباته بمواقع التواصل الاجتماعي، ليكشف عن وجها جديدا له، بعدما تعرف الجمهور على النجم الموهوب ومحب الحيوانات، ظهر يتحدث عن نهاية الزمان، ويستشهد بآيات من القرآن.

وقال: لما بصيت وقريت في الموضوع اكتشفت إن فيه آيات واضحة وصريحة قالت الخلاصة قالت النصر له شروط هعرض عليكم كم آية، الآية الأولى: "كان حقا علينا نصر المؤمنين"
2- "إن تنصروا الله ينصركم"
3- "إنا لننصر رسلنا والذين آمنوا في الحياة الدنيا".

وأضاف: ربنا من رحمته بينا من قبل أحداث فلسطين أظهر لنا نذر كتير زي البراكين والخسوفات وأوبئة ومن رحمته إنه نزل النذر قبل الأحداث، وإحنا داخلين على حاجات عظيمة وواضحة، واللي جاي لازم الإنسان يحدد فيه موقفه كأنها فرصة للإنسان يرجع للطريق السليم، طريق الله من غير أجندات، لو سليم مش هيكون فيه تنازع أو أحزاب، لأن ربنا بيقول (أطيعوا الله ورسوله) مفيش وضوح أكتر من كده.

واختتم مكي حديثه قائلًا: الأحبار اللي عندهم عارفين جدا أن الحركة اللي بيعلموها الصهاينة بداية الزوال ده وعد الله حق وعمره ما يخلف ميعاد أبدا إحنا لازم ناخد بالأسباب دلوقتي وقت حساس يا تاخد طريق الله يا تاخد طريق الشيطان لان الصهاينة هم جيش الشيطان واللي مش فاهم يدور ويبحث، واللهم إني بلغت.

ويجز

ظهر ويجز في مظاهرات منددة بالاحتلال الاسرائيلي في نيويورك، وبعدها أطل للجمهور على قناة "الجزيرة مباشر"، ليتحدث عن الكثير من الأمور الشائكة في القضية الفلسطينية، وقال: "مثلا الاستخبارات الأمريكية (CIA) مش عارفة، وأنا اللي عارف إيه اللي بيحصل في غزة؟! لا هما مليون في المية عارفين اللي بيحصل في غزة، واللي بيحصل في غزة معمول حسابه ومعمول له خطة والجو جميل يعني، الناس دي عارفه كويس هي بتعمل ايه، وأدام الناس كلها، دا اللي أنا بتكلم فيه أنا دوري بقى كبني آدم إيه، أنا دوري أن أنا أوصل صوتي، وأتكلم وأقول على فكرة إحنا مش مغيبين أو عبط عشان نبقى عارفين أو حاجة زي دي تعدي علينا عادي".

وأكد ويجز أن فكرة التهجير التي تدعولها إسرائيل حدثت بالفعل في أحداث النكبة عام 1948، ولكنه لن يحدث في عام 2023، وتابع ويجز داعما للمقاطعة: بقت أمريكا بتحارب الإرهاب طيب فين الإرهاب؟ العيال اللي عندها 6 سنين وسنتين في الفيديوهات دي اللي بنشوفها هل دول الإرهاب.. محدش بيتحرك، وبتكلمني عن المجتمع الدولي فين المجتمع المصري؟.

وأردف: أنا أصلا حياتي كبني آدم مصري دلوقتي مش نفس القيمة، أنا دلوقتي فهمت هي نفس العنصرية والطبقية والشكل اللي بيتبص لينا بيه أن دي شعوب تعبانة معندهاش القوة الكافية، يعني لو أنت معندكش حجم الجيش الإسرائيلي والأمريكاني متطلبش حقك.

وأضاف ويجز: «الفلسطيني كان بيروح لبنان والطيارات الإسرائيلية كانت بتيجي تضربه في مخيمات اللاجئين، وبيموت منه 3000 في نفس اليوم ولا حاجة بتحصل، ليه دلوقتي الناس بتتكلم على الحريات؟