تم تصويره في شقة "ليفي كوهين" الحقيقية … كواليس مسلسل "رأفت الهجان" (فيديو)

نادين يوسف | فى سينما وتلفزيون

مسلسل رأفت الهجان

الخميس , 19 أكتوبر 2023 - 11:41 | اخر تحديث: الخميس , 19 أكتوبر 2023 - 12:06

كشف الناقد الفني إلهامي سمير كواليس تصوير مسلسل "رأفت الهجان" لمحمود عبد العزيز وقال أن التصوير تم بالكامل داخل مصر بسبب الميزانية، كما أوضح أن التصوير تم في الأماكن الحقيقية لسكن رأفت الهجان.

مسلسل رأفت الهجان

قال إلهامي سمير خلال حواره على القاهرة اليوم "لما جم يسافروا علشان يصوروا المشاهد اللي برة وهما كانوا متفقين مع مراته أنهم هيصوروا في الفيلا الحقيقية وطلعوا تصريحات السفر تم إلغاء السفر لأن الميزانية مسمحتش واكتشفوا أن المطلوب هيكون مليون دولار وميزانية المسلسل كله على بعضه 250 ألف جنيه"

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

مسلسل رأفت الهجان

وتابع "يعني الملحمة دي طلعت ب250 ألف جنيه وبداو يدوروا ازاي يصوروا هنا ويعني المشهد بتاع الفوج الاسرائيلي اللي راح قبرص يصوروه في فندق على طريق مصر اسكندرية الصحراوي، مشاهد المطعم تم تصويره في مطعم في الإسكندرية"

مسلسل رأفت الهجان

وأضاف "والمسلسل دة كان فيه 7 مساعدين مخرج منهم الإعلامي عمرو الليثي، ويحيى العلمي طلب من عمرو الليثي يدور على عمارة في وسط البلد تنفع للتصوير لأنه كان عايش في وسط البلد، وعمرو الليثي قال أنه استسهل وجده عنده عمارة فقال يصوروا فيها لكن العمارة فيها مشكلة وهي علشان حد يطلع للسطح لازم يركب 2 اسانسير ومحمود عبد العزيز عنده فوبيا من الأماكن المقفولة والضيقة وأول يوم تصوير في العمارة الاسانسير عطل"

مسلسل رأفت الهجان

نرشح لك: مصطفى شعبان عن قصف مستشفى المعمداني: جريمة بشعة والعالم مكتوف الأيدي

وعن أماكن التصوير الحقيقية قال "بعد فترة اكتشفوا أن الشقة اللي بيصوروا فيها هي مكان سكن رأفت الهجان وبدأوا يسألوا الناس عنه واتقال عن ليفي كوهين أنه كان راجل غريب وبيجيله ناس بليل وحد قال أنه شافه مرة بيصلي في جامع واستغرب لأن ليفي كوهين يهودي وكل دة اكدلهم أنهم بيصورا في المكان الحقيقي ودة طبعا دخلهم في المود اكتر وكل دة حصل بالصدفة"

يذكر أن مسلسل "رأفت الهجان" من بطولة محمود عبد العزيز، يسرا، مصطفى شعبان، وغيرهم نخبة من النجوم. المسلسل من تأليف صالح مرسي ومن إخراج يحيى العلمي.

اقرأ أيضا

#شرطة_الموضة: محمد رمضان يثير الجدل بجاكيت Gucci يحمل شعار الماسونية ... سعره يقترب من 150 ألف جنيه

اعتقال المطربة الفلسطينية دلال أبو آمنة

شيرين رضا عن أحداث فلسطين: سامحنا يارب على قلة الحيلة

خاص وليد فواز عن دوره في "صوت وصورة" : ناس كتير شبه "عبد الغني" في الحياة وكان فرصة أغير جلدي

لا يفوتك: "تحليل النغمات مع عمك البات" تقييم أغنية "حب خناق" لمروان موسى ونورين

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5