هشام سليم "الأب الشجاع" ... قصة دفاعه عن ابنه بعد تحوله من "نورا" إلى "نور"

محمد أحمد | فى حياة المشاهير

هشام سليم وابنه نور

الجمعة , 22 سبتمبر 2023 - 16:58 | اخر تحديث: الجمعة , 22 سبتمبر 2023 - 16:59

يصادف اليوم الجمعة، الذكرى الأولى لرحيل الفنان هشام سليم، حيث ولد يوم 27 يناير عام 1958 وتوفى بعد معاناة مع المرض يوم 22 سبتمبر عام 2022.

مر هشام سليم بموقف صعب على أى أب بسبب قصة التحول الجنسي لابنته وإجرائها عملية تحول جنسي وتغير اسمها من "نورا" إلى "نور"، حيث كانت تعانى من اضطرابات فى الهوية الجنسية وكانت تعيش فى جسد غير جسدها، حسب تصريحات والدها وقتها.

نور هشام سليم

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

عام 2020، تحدث ابن هشام سليم عن تلك القصة في تصريحات تلفزيونية وأنه واجه صعوبات عدة أثناء مرحلة اكتشافه الأمر، قائلًا: "مكنتش فاهم حاجة ودورت على الإنترنت أنا عايش في مصر ومفيش الكلام ده هنا، لحد دلوقتي معرفش غير شخصين تلاتة بس اللي زيي، والصراحة كان في أوقات كتيرة كنت بفكر في الانتحار مكنتش حاسس إني طبيعي وحاسس إني مش عارف أعيش حياتي".

وتابع نور هشام سليم: "مكنتش شايف مستقبل لنفسي، لا جواز ولا شغل ولا أي حاجة، بس اتعلمت أحب نفسي وأعمل اللي عليا، ومكنتش عايز أقول لوالدي ووالدتي أي حاجة غير لما أكون أنا عارف أنا عايز إيه".

نور هشام سليم

نرشح لك: أوس أوس: "سفاح الجيزة" جنن أحمد فهمي وشوفنا تأثيره أثناء تصوير "مستر إكس"

ولأول مرة تحدث هشام سليم عن تلك القصة خلال استضافته ببرنامج "شيخ الحارة والجريئة" ولاقى تصريحه دعم كبير من الفنانين الجمهور الذين أشادوا بتفهمه للأزمة.

هشام سليم

وقال هشام سليم، وقتها إن ابنه يمر بأزمة نفسه تؤثر عليه وعلى أسرته بالكامل بسبب الانتقادات التي يتلقاها من بعض الأشخاص.

وأضاف: "بنتي نور بقت ابني نور، بتتحول دلوقتي، من ساعة ما اتولدت وجسمها جسم ولد، وكان الشك يراودني، من أول ما مسكتها وظل يعاني لسنوات من خلل هرموني وصل به في النهاية للخضوع لتلك العمليات".

هشام سليم

وتابع : "أنا عاوز ابني يعيش قريب مني، مع الأسف مع حاجة زي كدة هيشوف حته تانية يعيش فيها وعنده عيلة وأصدقاء والكل هنا، إنتوا بترغموه بقسوتكم أنه يدور على حته تانية يعيش فيها".

نور هشام سليم

قال هشام سليم في البرنامج: "ربنا مش طالب مننا إننا نحكم على حد، ربنا رحمته كبيرة أوي، محدش له الحق إنه يحاسبني أو يحاسب ابني لمجرد إنه شايف نفسه أحسن منه، ربنا اللي خالقنا وهو اللي يحاسبنا".

وتعرض نور هشام سليم لانتقادات رد عليها والده قائلًا في مداخلة له مع ET بالعربي: "أنا شايف إنها شجاعة منه إنه بيحاول يفهم الناس الحقيقة ومبيحاولش يستخبى ورا أي ستار، مش عاوز أقوله هو غلطان إنه بيقول الصراحة؛ لأن مع الأسف أنا متربي على كده، الناس بتقول عليه إنه ميعرفش ربنا وإن ربنا هيحرقه، ابني ما بيدورش غير على كلمة واحدة اللي هي الرحمة، ارحموه عاوز الرحمة علشان يعرف يعيش".