حورية فرغلي: خطيبي كان 175 كيلو وبيعرج برجله ... لكن أجمل راجل شوفته

FilFan | فى حياة المشاهير

حورية فرغلي وتامر شلتوت

الأحد , 17 سبتمبر 2023 - 01:04 | اخر تحديث: الأحد , 17 سبتمبر 2023 - 11:26

استعادت الفنانة حورية فرغلي ذكرياتها، عن خطيبها الراحل، الذي ارتبط به بشكل كبير.

فرغم مرور 21 عامًا على وفاته إلا أنها لم تستطع أن تمحِ هذا الحب، وأن ترتبط برجل غيره، حيث أشارت الفنانة إلى أن الأخير كان يعاني من بعض الظروف الصحية، لكن رغم مرضه إلا أنها لم كانت تراه أجمل الرجال في عيونها.

حورية فرغلي وتامر شلتوت

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتحدثت حورية فرغلي عن خطيبها، خلال لقاؤها مع الإعلامي تامر شلتوت، في برنامج في العمق، حيث قالت: أنا شُفت الحب مرة واحدة في حياتي سنة 2002، مع خطيبي اللي توفى، ومن بعده محبتش حد تاني رغم مرور 21 سنة، خطيبي اللي مات كان 175 كيلو، وكان عنده مشكلة في رجله الشمال، فكان بيذق، وكنا قد بعض في السن.

وتابعت: رغم مرضه لكن كنت بشوفه أحلى راجل في الدنيا، والناس كلها تقول إيه الجنان ده، لكن مكنتش ببص لكلامهم بصيت لقلبه واللي جواه، كفاية أني سامعة صوته، كفاية وجوده في المكان ريحة برفانه، من ساعة ما مات وأنا مش لاقية حد غيره.

وأضافت حورية فرغلي: قضينا سنتين سوا متخانقناش مرة، كل ما أطلع الاولى في الفروسية أروح البيت ألاقية جايب لي تورتة كبيرة عليها صورتي ولعب، بدور على حبه مش لاقية، ساعات بقول لنفسي أنا شُفت الحب ده كله ليه لما في الآخر هيتاخد مني، لكن ربنا اللي عايز كدة.

نرشح لك - رنا أبو الريش مؤلفة مسلسل "كامل العدد" لـ "في الفن": تصوير الجزء الثاني نوفمبر المقبل ... وسنعالج رحيل مصطفى درويش دراميا

واستكملت: من بعد وفاته مرتبطش بحد ولا حد أتقدم لي، رغم مرور 21 سنة مشوفتش زيه، مش عارفة ليه، بتحب كتير بس بتصدم لما أعرف السن، وفي شاب بعت لي رسالة طويلة يعبر فيها عن حبه لي، قلت له أنت عندك كام سنة، قالي 22 سنة قُلت له انت قولي يا طنط.

واختتمت حورية فرغلي: أنا معنديش صحاب ومبخرجش خالص، وبحب الحيوانات جدًا، كان عندي 13 كلب دلوقتي بقا 1، وعندي 8 أحصنة، مبخرجش مع الناس لان محدش بيعزمني على حاجة، اتعودت اعيش لواحدي وبراحتي، بيتهئلي لو أتجوزت مش هستحمل حد ينام جمبي على السرير، كمان هيبق في مشكلة، لأني بحب أمشي في شقتي براحتي واجري مع الكلاب، مش شرط كل يوم ميكب وشعر ورموش، أنا باكل ضوافري أصلا.

جدير بالذكر أن برنامج in Deeb في العمق، يقدمه الإعلامي تامر شلتوت، عبر قناته الرسمية على موقع الفيديوهات الشهير يوتيوب، ويعرض يوم السبت من كل أسبوع، ويستضيف الإعلامي خلال حلقات البرنامج مجموعة من نجوم الفن، الذين يكشفون أسرار وحقائق لأول مرة عن حياتهم الشخصية