نوال: كنت خايفة من أغنية "مخصماك" في البداية ... وأتخضيت من نجاحها (فيديو)

محمد أحمد | فى موسيقى وحفلات

نوال

الجمعة , 8 سبتمبر 2023 - 15:09

تحدثت المطربة المغربية نوال عبد الشافي عن نجاح أغنيتها "مخصماك".

وقالت نوال خلال حلولها ضيفة على برنامج "كلام في الزحمة" على نجوم إف إم: "تريند (مخصماك) بدأ في عيد الأضحى ومع بداية موسم الصيف، ولما حضرت لمصر اتخضيت وبقيت بسمعها في كل مكان، وهو أمر أسعدني جدا".

نرشح لك - مروان وليد لـ"في الفن": أتمنى احتراف التمثيل والهندسة معًا .. والجمهور تعجب من اختلاف دوري في "ليه لأ" عن "مين قال"

وأضاف: "قبل (مخصماك) كنت عاملة أغنية اسمها (بنتي حبيبتي) للملحن مدين، ثم قلت لازم أعمل حاجة مختلفة لكي لا أكون مثل باقي الفنانين على الساحة، حتى تحدثت مع المنتج مصطفى السويفي وعرض عليّ أغنية (مخصماك)".

نوال

وتابع: "أول ما سمعتها حبتها جدا ولكن قلت له مش هعرف أغنيها وفيها كلمات صعبة ومصري أوي وقالي لو مش هتعملي الأغنية مش هتعامل معاكي، وقررت تنفيذها بالفعل ونجحت بشكل كبير، ولا يمكن أحد يعرف أني غير مصرية لأني عرفت أظبط اللهجة والناس بيقولوا لي إزاي أنت مغربية".

نوال

وتابعت: "أصبحت أول مطربة تصل لـ6 أسابيع متصدرة بأغنيتي كتريند في الشرق الأوسط وشمال أفريقيا على المنصات المختلفة".

وتخطت مؤخرًا أغنية «مخاصماك» للمطربة نوال عبدالشافى حاجز 500 مليون مشاهدة على التيك توك، ويعد رقما كبيرا منذ طرحها، وأصبحت الأكثر استماعًا في الفترة الأخيرة نظرًا لبساطتها في الأداء.

وتقول كلمات أغنية مخاصماك: «مخاصماك.. وابعد عنى أنا مش طيقاك.. سيبنى مش عايزة أبقا معاك.. متورينيش وشك تاني.. مخاصماك.. مجنون بجد أنا مش فهماك.. مش عايزة عيني تكون شيفاك.. ولا أسمع صوتك ف وداني، عينك رايحة ورا أي بنت.. وأنا مش شاكة ده أنا اتأكدت وبتشتكي لو جيت نكدت.. والناس تقول غلبان ياحرام.. شكلك عاوز علاقتنا تبوظ.. وبتشتكى من لوي البوز مش هتصالح غير وقت ما أعوز متجيش تجر معايه كلام».