طليقة حسن شاكوش تنصح متابعيها: أحنا بقينا حبايب .. وبلاش أي حد يدخل في مشاكلكم الشخصية

محمد أحمد | فى حياة المشاهير

حسن شاكوش وريم طارق

الجمعة , 8 سبتمبر 2023 - 11:32

وجهت ريم طارق رسالة إلى مطرب المهرجانات حسن شاكوش بعد انتهاء الخلاف بينهما.

وعلقت ريم طارق على فيديو لشاكوش عبر حسابها على Instgram قائلة: "أنا كمان بتمنالك كل خير يا حسن وأكيد إحنا حبايب وعايزة أقول حاجة للمتابعين".

حسن شاكوش وريم طارق

نرشح لك - مروان وليد لـ"في الفن": أتمنى احتراف التمثيل والهندسة معًا .. والجمهور تعجب من اختلاف دوري في "ليه لأ" عن "مين قال"

وأضافت: "المشكلة بتاعتنا من الأول إن بلاش أي حد يدخل في مشاكلكم الشخصية حتي لو أقرب الناس ليكم، لأنهم من كتر حبهم ليكم ممكن المشكلة تزيد مش تتحل وده إللى حصل معانا أنا وحسن".

حسن شاكوش وريم طارق

وتابعت ريم طارق: "يمكن لو كانت المشكلة بينا بس كانت اتحلت من بدري وأنا كمان بشكرك يا حسن وإنت وعدت ووفيت لله الأمر من قبل ومن بعد".

View this post on Instagram

A post shared by Reem tarek (@reemtarek84_)

وتحدث شاكوش في الفيديو الذي نشرته ريم عبر حسابها على Instgram قال فيه: "أنا طالع من خلال الفيديو بقول إن أنا وريم حبايب ومفيش أي خلافات ولا مشاكل.. ومن خلال الفيديو بشكرك جدًا يا ريم إنك قولتي كلمة حق وماشفتيش مني أي حاجة وحشة وأنا قبلت اعتذارك وبتمنالك الخير والنجاح في كل خطواتك اللي جاية".

حسن شاكوش وريم طارق

وتابع حسن شاكوش: "بشكر كل الناس اللي اتدخلوا وكلموني عشان نخلص الموضوع بشكرهم جدًا جدًا وتعبوا معايا جدًا.. وبقول لكل الناس إخواتنا الإعلاميين والصحفيين اللي هما على راسي من فوق، إحنا خلاص حبايب مفيش أي حاجة، وهي كانت في يوم من الأيام مراتي ومكنش ينفع أجرح فيها بأي كلمة أو أتكلم أي كلمة تجرحها".

واختتم: "الحمد لله الموضوع خلص على خير وأنا وريم حبايب دلوقتي ويارب يقدركم على فعل الخير وبشكر كل الناس اللي بتحبني وبتحب ريم".