طليقة حسن شاكوش: خاني مع ممثلة مشهورة في نهار رمضان تالت حرف من اسمها "ر"

مروة لبيب | فى حياة المشاهير

ريم طارق

الثلاثاء , 18 يوليو 2023 - 02:40

كشفت ريم طارق طليقة الفنان حسن شاكوش أنها تعرضت للخيانة وكان هذا سببا من أسباب طلبها الانفصال.

وخلال لقائها مع برنامج "90 دقيقة" مع الإعلامية بسمة وهبة قالت ريم طارق " كنا في نهار رمضان، كان في ممثلة مشهورة عندها مشكلة صحية تالت حرف من اسمها ر راح أكل معها في شاليه بالعين السخنة، ولما رجع البيت كتبت له وصلت يا حبيبي.. وبينهم علاقة.

نرشح لك - بإطلالتين مختلفتين ... ميرهان حسين تعود لمكانها المفضل في الساحل الشمالي

ريم طارق

وأضافت ريم طارق، ": قعدت 30 يوم في شهر رمضان أشوف حاجات زي كده ومختلفة وفي وقت من الأوقات الفنانة دي حبت تسمعني صوتها كانوا مع بعض وقعدت تضحك.. حلال عليها".

ريم طارق

وواصلت ريم طارق: كنا في رمضان وكان يبث لايفات وقال لي سأحصل على هدايا عبارة عن مبالغ من المال، وكان يقول لي يحرم عليا كل جنيه بيدخل من تيك توك، هاخده وهتبرع به لجمعيات خيرية للأطفال، فرحت عشان قالي إني اللي هتبرع، ولما اللايفات خلصت الموضوع اتنسى.. وأخد الفلوس".

وخلال اللقاء كشفت ريم طارق أنها هي من طلبت الانفصال عن شاكوش بسبب ما عانته منذ اليوم الرابع من الزواج.

وقالت ريم طارق "أنا اللي قررت أنفصل لأن حصل حاجة واجهته بيها وقال لي هي دي عيشتي وهي دي حياتي، قلت له مفيش بني آدم عنده العيشة دي.

بسمة وهبة

وأضافت ريم طارق،: قلت له أنا آسفة مش هقدر أكمل الموضوع مش خيانة، لكن دي حاجة بتتعمل وأنا مجبرة أشوفه وهو بيعملها، مكنتش هقدر ومش هجازف بنفسي.

وتابعت طليقة حسن شاكوش: لما قلت له لازم ننفصل وهمشي قالي ممكن نتكلم لكني قلت له مضطرة أمشي وهبعت أهلي لو احتجت حاجة هيجبوهالي، وماخدتش أي حاجة إلا ترنج، ولما حاولت أرجع تاني يوم عشان ألم لبسي قال للأمن في الكومباوند محدش يدخلني رغم إن كل حاجتي الشخصية جوه عنده.

وأكدت ريم طارق أن حسن شاكوش عرض الصلح عليها من خلال إخوته لكنها لم توافق على أن تستمر في حياتها معه، مضيفة " كل المشاكل اللي تخطر أو متخطرش على البال موجودة في حسن، كل الصفات اللي مش حلوة في حسن شاكوش.

وخلال الحلقة كشفت ريم طارق تفاصيل جديدة حول أزمتها التي استمرت طوال الأشهر الماضية.

وقالت ريم طارق "أهله اتواصلوا معانا وقالوا تعالوا نقعد على كافيه علشان نطلقها وبابا قالهم أنا ليا بيت وزي ما أخدها من بيتي يجي يطلقها ولو بنتي غلطانة أربيها مرضيوش".

واضافت ريم طارق "عملت إثبات حالة إن حاجتي في البيت معجبش أهله ولما طلعت على السوشيال ميديا بعتلي وقالي انتي بتكتبي عالسوشيال دي لعبتي أنا هتسلى عليكي أنتي وأهلك عليها".

وتابعت ريم طارق "بدأوا ينزلوا صور لينا واتكتب عليها كلام وحش واتوصفت بإني سبوبة واللي يدفع أكتر والحقيقة إن حسن مجابليش حاجة ومصرفش عليا جنيه حتى في القايمة أمه رفضت تكتب قيمة القايمة وقالت نكتب الأوض وحسن عرض على أبويا يكتب المؤخر وصل أمانه وأبويا رفض.. كل اللي عمله حسن بسبب سر أنا اللي عارفاه ومش هقوله".

كشف محمد أبو العلا، محامي المطرب حسن شاكوش، عن تطور جديدة في أزمة شاكوش وزوجته ريم طارق، وهي الأزمة التي استمرت على مدى الفترة الماضية.

ومؤخرا، كشف محمد أبو العلا، محامي المطرب حسن شاكوش إنه قرر طلاق ريم طارق غيابيا وبشكل رسمي على يد مأذون، وجرى إثبات ذلك عبر مستند رسمي لدى نيابة أكتوبر، وذلك حسب تصريحاته لموقع ET بالعربي.

وكانت ريم طارق ظهرت مؤخرا في بث مباشر عبر حسابها بتطبيق Instagram لتوضح مستجدات أزمتهما.

أكدت ريم طارق رفضها التصالح بقولها: "مافيش حجة اسمها صلح، في مشكلة كبيرة إن بنت تتحملها مع جوزها أو عيب ماينفعش الواحدة تتحمله، وهي بتبقى عايزة تخرج بكل ود أو تشوف حل في المصيبة دي لأن هي مصيبة لأن هو دا اللي عايزه اقوله دلوقتي، اختيار غلط محدش يعتب علي، والحمدلله".

وعن قضية التمكين من منزل الزوجية، قالت: "الفكرة كلها أن أنا خدت تمكين عشان حاجتي وهدومي وكل حاجة متعلقة بيا، خرجت وجيت تاني يوم أخد حاجتي، وكدة كدة رفعت قضية طلاق، اتمكنا عشان اخد هدومي وحاجتي ورحت امبارح مع بابا، ووقف برا بعد ما حسن شاكوش طرده، وأهله وصلوا بعد نص ساعة، كدة كدة مش هينفع اعيش مع واحد مهددني بالقتل، وحلقة (شيخ الحارة) كل اللي اتقال فيها صدق وأنا اللي اتضحك علي".

واختتمت ريم طارق الفيديو قائلة: "أنا طلبت نتعرض على الطب الشرعي احنا الاتنين، انا لا واحدة مزقوقة ولا عايزة منك فلوس ولا فيلا لو كنا عايزين منك حاجة كنا كاتبناك على ورق كتير. كل اللي هقوله ان اي واحدة شايفة ان انا غلطانة تروح تتجوزه وتعيش معه وتقرر ايه اللي هيحصل وايه اللي مش هيحصل وهترضى بايه ومش هترضى بايه" (التفاصيل)

اقرأ أيضا:

أحمد سعد يرزق بـ "مريم" ... ويردد لها الأذان (فيديو)

محمد صبحي يفتح النار في لقاء تليفزيوني ... لماذا قال: بنعمل اللي عدونا عاوزه ولماذا رفض منصب وزير الإعلام؟

"والله أبدا" ... عمرو دياب يشوق جمهوره ببرومو أغنية جديدة

من حمام السباحة … سمية الخشاب تبدأ إجازتها بشقة بطيخ

لا يفوتك: تحليل النغمات مع عمك البات: خطوات صناعة الأغنية

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5