عزة بهاء: عرفت أن جوزي متجوز عليا في جنازته (فيديو)

نهال ناصر | فى حياة المشاهير

عزة بهاء

الخميس , 29 يونيو 2023 - 10:31 | اخر تحديث: الخميس , 29 يونيو 2023 - 10:31

حكت الفنانة عزة بهاء كيف اكتشفت زواج زوجها عليها يوم جنازته.

وخلال حلولها ضيفة على برنامج "قعدة ستات" من تقديم مروة صبري عبر قناة "اليوم" قالت عزة بهاء إنها تزوجت 3 مرات ووصفت حظها في الزواج بالسيئ لأن اختياراتها خاطئة، مضيفة "مليش حظ في الرجالة للآسف أنا بختار غلط".

وحكت عزة بهاء أنها اكتشفت بالصدفة أن زوجها متزوج عليها يوم جنازته وقالت: "أنا كنت قاعدة مستنية جوزي كان مسافر وراجع واتأخر، لقيت مامته بتكلمني وقالتلي أنه أتوفى، مكنتش مستوعبة، نزلت وروحت لقيته أتوفى فعلا ولقيت في عربية الإسعاف معاه واحدة، فضلت أخبط على الباب عاوزة أعرف إيه حصل ومين معاه".

نرشح لك: محمد رمضان يكشف موقفا محرجا له مع حنان ترك (فيديو)

حكت عزة بهاء كيف اكتشفت زواج زوجها عليها

وأكملت: "بعد ما صلينا وأتدفن واحد من أصحابه كان بيواسيني، فسألته مين اللي كانت معاه لأنهم قالولي أن كان معاه حد في الرحلة، قالي لأ متظلميهوش يا عزة هو طول عمره على خُلق دي مكنتش صاحبته دي كانت مراته".

عزة بهاء من برنامج "قعدة ستات"

وأوضحت عزة بهاء أنها كانت الزوجة الثانية لأن زوجها كانت متزوجا من سيدة أجنبية، وأنها اكتشفت زواجه من الثالثة يوم وفاته.

وخلال اللقاء كشفت عزة بهاء سبب غيابا وعدم مشاركتها في أعمال جديدة وقالت: " أنا ممثلة مش موديل؟ هل عمركم شفتوا عبلة كامل في مهرجان فني؟ كانوا زمان بيدعوني للمهرجانات الفنية ولكن غالبا دلوقت اتنسيت من كتر ما برفض لأني مبعملش شغل ف هروح ليه؟ والتصوير على الريد كاربت مطلوب وبيفكر الناس بالنجوم، وممكن أجهز وأخلص لبس واجي على آخر دقايق أقول لا مش نازله ماليش مزاج، وأنا فاشلة في العلاقات العامة ومش بلاقي نفسي وسط الوسط الفني، ومش شبه الوسط الفني اللي موجود آخر 10 سنين".

عزة بهاء تغيب عن جمهورها منذ فترة طويلة

يشار إلى أن آخر أعمال عزة بهاء مشاركتها في حكاية من حكايات مسلسل "إلا أنا" عام 2020.

اقرأ أيضا:

أول ظهور لمحمد فراج وبسنت شوقي بعد شائعات انفصالهما

خالد سليم يكشف حقيقة خلافه مع تامر حسني: عايز يأكد أنه نجم الجيل (فيديو)

عبد الله عمرو دياب يتصدر تريند تويتر بعد ساعات من طرح إعلانه مع والده

خالد سليم: فنانين كتير خذلوني وقت مرضي .. واتعرضت للتنمر بسبب الكورتيزون

لا يفوتك: كل ما تريد معرفته عن الذكاء الاصطناعي الذي شغل العالم الفترة الماضية في تحليل النغمات مع عمك البات

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5