الطفل عمر شريف لـ "طه دسوقي": شكرًا إنك فرحتني مش هنسهالك العمر كله

محمد أحمد | فى حياة المشاهير

طه الدسوقي وعمر الشريف

الخميس , 1 يونيو 2023 - 14:12

أبدى الطفل عمر شريف امتنانه للفنان الشاب طه الدسوقي، بعد لفتته معه في حفل People's Choice Awards حفل توزيع جوائز اختيار الجمهور.

وكان طه دسوقي فاز بجائزة أفضل ممثل صاعد عن دوره في مسلسل "الصفارة" واختار أن يهديها للطفل عمر الشريف عن دوره في مسلسل "تحت الوصاية".

طه الدسوقي وعمر الشريف

نرشح لك - أحمد العوضي يأكل "كبدة نية".. وياسمين عبدالعزيز تعلق: "طلقني"

وكتب عمر شريف عبر حسابه على موقع التواصل الاجتماعي Facebook: "امبارح كنت مدعو لاحتفال توزيع جوائز رمضان في مهرجان creative summit وتم اعلان عن جوايز أحسن ممثل صاعد وفاز بيها الفنان طه دسوقي اللي انا بجد بحبه أوي".

وأضاف: "اتفاجأت لما طه طلع على المسرح عشان يستلم جائزة الفنان أحمد أمين انه بيقول اسمحولي اهدي جائزة احسن ممثل صاعد لعمر شريف وده اللي أنا كاتب البوست عشانه، أنا مش عارف أوصف اللي حسيت بيه في اللحظة دي بأي كلام بجد دي لحظة عمري مهنساها في حياتي.. كنت بجد مبسوط أوي أوي.. عمري محسيت أني مبسوط في حياتي زي اللحظة دي".

طه الدسوقي وعمر الشريف

وتابع عمر شريف: "شكرا جدا طه دسوقى انك فرحتنى الفرحه دى، ودى حاجه انا مش هنسهالك العمر كله انا بحبك اوى، شكرا استاذ شاكر على الحضرتك وصلتنى لى كل ده بفضل مجهودك ونصايحك وثقتك فيه".

واختتم: "شكرًا أستاذة منى على كل حاجة وعلى النجاح اللى حققته عشان مثلت مع ممثله عظيمه زيك، شكرا أستاذ عمرو سلامة على كل حاجه عملتها وهفضل اشكرك فكل مره هحس فيها بفرحه ونجاح لانك دايما هتكون سبب كبير فيها وانا حبى ليك كبير اوى".

وكان عمر الشريف صعد على خشبة المسرح لاستلام جائزته من طه دسوقي، وانهار من البكاء ثم سجد على الأرض شكر لله، تعبيرا عن سعادته بعد حصوله على الجائزة.

مسلسل تحت الوصاية يتكون من 15 حلقة، بطولة الفنانة منى زكي، دياب، نسرين أمين، رشدى الشامي، على الطيب، مها نصار، نهى عابدين، خالد كمال، محمد عبدالعظيم، والعمل من تأليف خالد وشيرين دياب، وإخراج محمد شاكر خضير.

تدور أحداث مسلسل "تحت الوصاية" حول حنان التي تجسدها منى زكي، وهي ربة منزل وأم لطفلة رضيعة وطفل «9 سنوات»، فاقدة الثقة في نفسها مكتفية برعاية بيتها وطفليها، وبعد وفاة زوجها تجد نفسها وحيدة في مواجهة عالم ذكوري، حيث تمر بعثرات وتحديات تتخطاها تباعًا لتتحول من امرأة مستسلمة ومغلوبة على أمرها إلى امرأة قادرة على تحدي الجميع.