مدير أعمال شيرين عبد الوهاب يعلن مغادرة منصبه بعد حفلها في جدة

محمد سليم | فى موسيقى وحفلات

شيرين عبد الوهاب في جدة

الاثنين , 29 مايو 2023 - 03:05 | اخر تحديث: الاثنين , 29 مايو 2023 - 03:06

أعلن الإعلامي إيهاب صالح انتهاء فترة إدارته لأعمال النجمة شيرين عبد الوهاب، وذلك بعد وقت قصير من إحيائها حفلها الغنائي في جدة.

وكتب إيهاب صالح عبر حسابه الرسمي في موقع تويتر: "جمهور شيرين العظيم ، الحمد لله علي نجاح حفل جدة كما كان متوقع و ده العادي بتاع شيري في أي حفلة. أجلت الاعلان بالقرار ده لحد بعد الحفلة و حابب أشكركم جدا على كم الدعم الرهيب في خلال الفترة أللى فاتت ليها في المقام الاول و طبعا بعد كدة ليا. قررنا إن من الافضل لينا إن نحط صداقتنا و العشرة قبل أي حاجة و إني ابتعد عن إدارة أعمالها و ده أكيد لمصلحة الطرفين و لينا اسبابنا".

نرشح لك - بشرى تنفصل عن صديق طفولتها بعد زواج دام 3 سنوات...اعترف لها بحبه بعد إصابة صديقه بالسرطان..وبكت عندما فاجأها بخاتم الخطوبة

رسالة مدير أعمال شيرين عبد الوهاب

وأضاف: "مبروك و شكرا يا شيري من كل قلبي و يا رب اكون كنت على قد وعدي و كلمتي ليكي انى دايما في ضهرك و الحمد لله الدنيا دارت من أول و جديد و تكسري الدنيا حفلة بعد حفلة و خلاص أهو الالبوم على أبواب و متأكد إنه هينجح نجاح غير عادي. فرحان بشكل ملوش وصف بنجاحك و رجوعك بالقوي دي و ده إللي اتعودنا علية منك طول السنين دي. أنا كدة كدة دايما موجود زي مانتي عارفة و ربنا يديم كل أللى بينا على خير و أسف لو في أي لحظة كنت قصرت معاكي باي شكل".

شيرين عبد الوهاب في جدة

طالع أيضا - شيرين عبد الوهاب تقدم ليلة غنائية ساحرة في جدة

وتابع: "أحب اشكر كمان جمهورك اكيد إللي مشوفتش منوا غير كل خير و حب ، شكرا بجد من كل قلبي. طبعا و اكيد شكر كبير لسيادة المستشار تركي ال الشيخ (أبو ناصر) على كم الدعم الكبير منو، بمجرد إنه شاف صورة رجوعك للاستوديو و قد إيه كان مهتم بشيرين و مقدر قيمتك و تقديرك بشكل يليق بيكي صوت احساس العرب و ده مش غريب عليه و دايما في ضهر كل الفنانين العرب كدة كدة. دي شهادة حق لازم تتقال".

شيرين عبد الوهاب في حفل جدة

واختتم إيهاب صالح رسالته قائلا: "ربنا دايما يحبب فيكي خلقه و يبعد عنك أي شر بكل أشكاله و يكتبلك السعادة . أتمنى التوفيق لمديرين الأعمال الجايين و ادعمهم دايما بأي شكل أكيد عشان تفضلي دايما علي القمة".

اقرأ أيضا:

لم يسبق له الزواج قبل بشرى ومدير مبيعات إحدى شركات السيارات.. من هو رجل الأعمال سالم هيكل؟

"بص شوف شيرين بتعمل إيه" ... جمهور شيرين عبد الوهاب يهتف باسمها على طريقة مشجعي كرة القدم

أمير رمسيس مدير مهرجان القاهرة السينمائي: عبلة كامل تستحق التكريم لكن نحترم رفضها الظهور إعلاميا

أحدث ظهور لـ سمية الألفي (فيديو)

لا يفوتك: تحليل النغمات مع عمك البات: تقييم أغنية "بعلنها" لهيثم سعيد

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5