بسمة وهبة تبرئ ريم زوجة حسن شاكوش: دا انت داير وانا مش خرابة بيوت

مروة لبيب | فى حياة المشاهير

حسن شاكوش وزوجته وبسمة وهبة

الثلاثاء , 16 مايو 2023 - 19:54

دافعت الإعلامية بسمة وهبة عن ريم طارق زوجة حسن شاكوش بعد أزمتها الأخيرة، وكشفت كواليس ظهورهما سويا ضيفا إحدى حلقات برنامج "العرافة" الذي عرض في رمضان المنصرم.

وخلال لقائها ببرنامج ET بالعربي قالت بسمة وهبة :"خدت شيخ العرافين على جنب واتخانقت معاه وقولتله أنا اللي باخد الكلام في الأخر وبيقولوا إن أنا خرابة بيوت، ودا بقى خراب بيوت فعلا .. إنت مكنش ينفع تقول كده..وفي حاجات كمان اتشالت في المونتاج واتخانقت مع شيخ العرافين وقلت له أنت كده بتخرب البيوت والناس بتهاجمني أنا.

حسن شاكوش وزوجته وبسمة وهبة

وأضافت:"لو كان طلاقهم بسببي كان إيه اللي هيخليهم قاعدين كل ده من بعد الحلقة كويسين؟".

نرشح لك - #شرطة_الموضة: منى زكي تعدل من فتحة صدر فستانها في فرنسا للاحتشام

وفيما يتعلق بريم واتهامها بإخفاء زواجها السابق عن حسن شاكوش قالت بسمة وهبة: " في حاجة طالعة بتدين ريم وأنا هبرأها منها .. بيتقال إن ريم كذبت في إنها كانت متجوزة قبل كدة لا ريم مكذبتش وهي قاعدة لما هاجمتها وقولتلها ليه عملتي سجدة الشكر قدام الناس فقالتلي لا أنا كنت سعيدة وحاسة إن ربنا بيعوضني عن تجربة عانيت فيها.. هي التجربة دي إيه؟ ما أكيد تجربة جواز".

حسن شاكوش وزوجته

وتابعت ريم طارق "ريم رافعة قضية على طليقها، إزاي متعرفش دا انت داير يا حسن".

وكان اللواء محمد الشرقاوي، مدير الإدارة العامة للمباحث، تلقى إخطارا من العقيد عمرو حجازي، مفتش المباحث، يفيد فيه بحضور ريم صادق -28 سنة - ربة منزل ومقيمة داخل كمبوند شهير، إلى القسم لتضررها من زوجها حسن منصور وشهرته حسن شاكوش لقيامه بطردها من منزل الزوجية منذ أيام والاستيلاء على المنقولات الزوجية وشبكتها وإيصال أمانة لصالحها بديل مؤخر الصداق.

حسن شاكوش وزوجته وبسمة وهبة

وكان قسم شرطة أول أكتوبر بمديرية أمن الجيزة، تلقى بلاغا من المطرب الشعبي حسن شاكوش، يتهم زوجته ريم طارق بسرقة نصف مليون جنيه والهروب من المنزل، يأتي ذلك عقب قيام الزوجة بتحرير محضر ضد شاكوش تتهمه بالسرقة والاستيلاء على مجوهراتها، وتكثف المباحث جهودها للوقوف على ملابسات الواقعة.