ميار الببلاوي تتراجع وتهاجم وفاء مكي: أخرسي اتأكدت أنك مذنبة

نهال ناصر | فى حياة المشاهير

ميار الببلاوي

الثلاثاء , 9 مايو 2023 - 12:29 | اخر تحديث: الثلاثاء , 9 مايو 2023 - 12:31

تراجعت الفنانة ميار الببلاوي عن تصريحاتها ودفاعها عن الفنانة وفاء مكي، بعدما شاهدت فيديوهات لشاهد عيان يروى تفاصيل واقعة تعذيب الخادمتين.

ونشرت ميار الببلاوي فيديو من برنامج "صبايا الشمس" من تقديم الإعلامية ريهام سعيد للشاهد العيان وكتبت تعقيبا عليه: اللهم لك الحمد ربنا ظهر الحقيقة من شاهد عيان وكده أنا كنت بانب ضميري على الفاضي سؤال إيه اللي بتعمليه ده يا وفاء أنا قلت إن فى موقف حصل لكن كده اتحسمت كفاية بقى ملقتيش حد تدوسي عليه غيري وتمثلي البراءة.

وتابعت: علشان أنا مش بتاجر بالموضوع ورافضه اتهم بأنى بجرى ورا تريند وأفضل ألف معاكم على القنوات والمواقع بالشكل المستفز دا أنا قلت شكوكي وموقف حصل الحمد لله أنه كان ولا هيقدم ولا يآخر سوال فين دليل برائتك دا أنا قلت للناس أنه حصل كذا فقط واللي حصل دا ملوش أي قيمة خالص بعد شهادة الشاهد دا وبعد ما قريت التحقيقات والتقارير قد إيه أنا كنت هبلة فى كل مكان تكذبي وأنتي عارفة أنك مش مظلومة وأنا الحمد لله اتأكدت أنك مذنبه والحكم عين الحقيقة، كده لما جولي مكنوش جايين من عندها وكده المخدمتيه كذابة شاهد العيان ده ريح قلبي.

تعليق ميار الببلاوي

نرشح لك: نقل ممثل شاب للمستشفى بعد تناوله جرعة مخدرات زائدة

وأكملت: اخرسى بقى وبرافوا يا ريهام هفضل أقول أنك أكبر وأصدق إعلامية فى مصر حسبي الله ونعم الوكيل فيكى لا وليكى عين تكذبي وتقولي أنك بريئة وقال كمان مش مسمحانى أخس بس مش مستغربة غير اتنين زميلاتى الإعلاميات ايه ده ايه كميه الحقد ده لو كنتوا تعبتوا نفسكم زى ريهام سعيد علشان توصلوا للحقيقة وتريحوا الرأي العام ومتفكروش فى التريند تفكروا فى مصداقيتكم اعلاميات للأسف مكنتوش سمحتوا بالى بتعمله وفاء أعوذ بالله اتعلموا من ريهام سعيد لأنها هتفضل باحثه عن الحقيقة اعلامية مهنية زى مابيقول الكتاب.

وتابعت في منشور آخر، يعنى البنت مشيت من عند وفاء خلصانة وهى اللي رمتها وأختها هربت تاني يوم يبقى كلام الشاهد مظبوط يا ناس ويبقى البنات جولي قبل مايروحوا عندها وكمان أنا لو كنت قلت اللى أنا كنت فاهماه غلط ساعتها كنت هتحاكم زى الفنانين اللي اتهموا بالشهادة الزور وفعلا ولا كان كلامي هيقدم ولا يأخر طيب ليه الست وفاء مطلبتنيش للشهادة ودا اللي اتقالي لو محامين وفاء شايفين أن فى أي ثغرة كانت طلبتني للشهادة.

وأضافت: بالنسبة لجزئية طلعت عينهم عشان أقول الكلام اللي عندي فأنا قلته مع أكبر إعلامية وفى قناة محترمه وبمنتهى الشفافية هل مطلوب مني ألف على كل القنوات والمواقع علشان أقول حاجة لا هى دليل براءة ولا معايا أي دليل خالص ولما شفت التحقيقات وسمعت شاهد العيان ربط الأحداث عرفت أني الحمد لله البنات نزلوا من عندي على وفاء مش العكس يعني واقعة التعذيب مؤكدة بعد ما كانوا عندى مش قبل وبكده يبقى الست مذنبة والمحكمة والمباحث والطب الشرعي لا غبار عليهم سبحان الله مش حق وفاء اللى رجع حق البنتين اللى شافو قمة العذاب وربنا يفكها من رقبتى أنما الأستاذة وفاء واللى طالعه فى كل مكان تشوه صورتى وتبين أني كتمت شهادة كاذبة وبينى وبينها القضاء العادل.

ميار الببلاوي تهاجم وفاء مكي

وكانت وفاء مكي وجهت رسالة لميار الببلاوي، بعد تصريح الأخيرة مؤخرا بأنها كانت تملك دليل براءتها منذ 23 عاما.

وقالت وفاء مكي خلال استضافتها في برنامج "ملفات"، الذي تقدمه الإعلامية أميرة بدر عبر قناة هي: "معنديش حاجة أقولها غير عوضي عليك يارب، من 23 سنة وأنا في عز مشكلتي ميار الببلاوي بعتت لي جواب وقالت دليل براءتك معايا، وهقف جنبك وأشهد معاكي، وبقيت أناشدها وأتوسل إليها تعالي قولي كلمة الحق بما يمليه عليكي ضميرك".

ميار الببلاوي

وأضافت أن الفنانة هند عاكف كشفت لها في فترة ترشيح نفسها للنقابة أن ميار الببلاوي اتصلت بها في أحد الأيام، وأخبرتها بأنها تملك دليل براءتها من قضية تعذيب خادمتيها، لكنها تلقت تهديدا بذبح ابنها إذا شهدت معها في القضية، وطلب منها زوجها اللحاق به في سوريا، وأطلعها على جواب التهديد، ومنعها من العودة إلى مصر إلا بعد انتهاء القضية، وهذا ما كشفت عنه ميار مؤخرا.

وفاء مكي تبكي وتتحدث عن برأتها

ووجهت وفاء مكي سؤالا لميار الببلاوي قائلة: "لما ضميرك بيوجعك وخايفة على ابنك، ليه لما رجعتي لم تتوجهي للنقابة وكان موجود الفنان يوسف شعبان، أو للمسؤولين وقولي أنا مهددة، ولما عملت استغاثة في ديسمبر اللي فات وقلت أنا مش لاقية مصعبتش عليكي".

تعود الواقعة إلى عام 2001 أي قبل 22 عاما، عندما تم اتهام وفاء مكي ووالدتها بتعذيب خادمتين، والبداية عندما فوجئ الأب "عبد الحميد" بابنته "مروة" عادت إلى المنزل في القرية في حالة إعياء شديدة وبها آثار تعذيب، وأخبرته أنها تعرضت للكي بالنار والضرب على يد الفنانة وفاء مكي، وأن شقيقتها هنادي هي الأخرى تعرضت لنفس التعذيب، ليذهب بها إلى المستشفى ويحضر شقيقتها، ويحرر محضرا اتهم فيه وفاء بتعذيب ابنته التي كانت تبلغ من العمر 15 عاما، تفاصيل أكثر عن القضية

اقرأ أيضا:

وفاء مكي توجه رسالة نارية لميار الببلاوي: لماذا لم تكشفي دليل براءتي؟

صافيناز: بصوم رمضان رغم إني مسيحية

بعد مرور 22 عاما قضية وفاء مكي تعود للنور من جديد … روايات جديدة وتورط فنانات

شاهد قضية وفاء مكي ينهار باكيا: شوفت خدامتها لابسة كياس زبالة ووشها محروق بسكينة سخنة

لا يفوتك: تحليل النغمات مع عمك البات- تقييم أغنية "الحفلة" لعمرو دياب

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5>