رضوى الشربيني لحسن شاكوش: كده تطرد بنت الجيران بعد ماسجدت لربنا شكر.. ربنا يعينها

مي جودة | فى حياة المشاهير

رضوى الشربيني

الجمعة , 5 مايو 2023 - 23:26 | اخر تحديث: الجمعة , 5 مايو 2023 - 23:26

علقت الإعلامية رضوي الشربيني علي خبر تحرير زوجة حسن شاكوش محضرًا ضده تتهمه بطردها من المنزل في وقت متأخر من الليل، داخل أحد الكمبوندات الشهيرة بمنطقة أكتوبر، والاستيلاء على منقولاتها الزوجية وشبكتها، وأيضًا إيصال أمانة لصالحها بديل مؤخر الصداق.

وكتبت رضوى الشربيني عبر حسابها بموقع Twitter: "كدة يا حسن تطرد بنت الجيران بعد ما سجدت لربنا سجدة شكر قدام الناس كلها علشان اتجوزتك و كمان تدخلها القسم بعد شهرين جواز يا راجل! ، تقديرك للراجل اللي معاكي بيتبني بالمواقف والعشرة ودول الإثبات الوحيد ف ما تسبقوش الأحداث……وتقديرك ليه مش معناه إنك تتنازلي أو تقللي من نفسك علشانه، الله يكون فى عونها".

زوجة حسن شاكوش تحرر محضرا ضده لطردها من المنزل وسرقة المنقولات

رضوى الشربيني

وكانت رضوي علقت علي السجدة التي قامت بها زوجة حسن شاكوش وقت حفل زفافاهما في مارس الماضي، وأثارت ضجة كبيرة وقتها عبر مواقع التواصل الاجتماعي، وعلقت وقتها قائلة من خلال برنامجها "هي وبس" "كل واحد من حقه يعبر عن فرحته بالطريقة اللي تعجبه، تعليقي أنا على الواقعة بعيد عن ريم طارق أنه إزاي أنا واحدة ست هانم انزل على ركبي ومنها على الأرض قدام الناس بفستان الفرح ميصحش، وأنا كأنثي بأقول لا، ومشكلتنا والخوف لو تحول الأمر إلى تريند، وكل واحدة نلاقي ليها صورة وهي ساجدة في الأرض بفستان الفرح بتحمد ربنا على عريسها".

حفل زفاف حسن شاكوش

حسن شاكوش وزوجته

وتابعت رضوى: "ياريت يا بنات متعملوش كده أبدًا، لما أجي أحمد ربنا، ربنا موجود، فإحنا نقدر نحمده طول الوقت، مش لازم أعمل سحبة مايكل دي".

وكان شاكوش وريم تزوجا في مارس 2023 في حفل زفاف كبير احياه النجم تامر حسني.

أحصل على التطبيق

FilFan.com يتم تطويره و ادارته بواسطة إعلن معنا

رضوى الشربيني لحسن شاكوش: كده تطرد بنت الجيران بعد ماسجدت لربنا شكر.. ربنا يعينها

مي جودة | فى حياة المشاهير

الجمعة , 5 مايو 2023 - 23:26 | اخر تحديث: الجمعة , 5 مايو 2023 - 23:26

نرشح لكم

أهم الأخبار

احدث الفيديوهات المزيد