رحمة أحمد لم تنم من البكاء أول يوم رمضان .. كريم فهمي يكشف تفاصيل أزمتها

أحمد حتحوت | فى حياة المشاهير

كريم فهمي يكشف تأثر رحمة أحمد بالهجوم عليها: منامتش من العياط

الأربعاء , 5 أبريل 2023 - 21:14 | اخر تحديث: الأربعاء , 5 أبريل 2023 - 21:55

أوضح النجم كريم فهمي، أثناء ظهوره في برنامج "أنا والقناع"، سبب دفاعه عن رحمة أحمد ضد الانتقادات التي وجهت لها في بداية رمضان من بعد عرض حلقات "الكبير أوي 7" الأولى

قال كريم فهمي: "أنا مكنتش اتفرجت على أول حلقة فلقيت هجوم غير مبرر وقلت لا دي عاملة كارثة. دخلت اتفرجت ووالله العظيم لقيت نفي اللي عملته في الكبير 6 وكان الناس بتسقفلها. هل دة طبيعي؟ أنا دخلت اتفرجت عليها وضحكت ومليش دعوة هما شايفينها ازاي بس هي مش مضايقاني للدرجة دي".

كريم فهمي

ثم كشف الممثل عن تأثر رحمة أحمد بالهجوم عليها قائلًا: "أنا كلمتها في التليفون وأنا معرفهاش ورغيت معاها كتير وقلتلها مش هعمل نفسي بنظر. قالتلي أنا عايزة أقولك إن في أول يوم رمضان منمتش من العياط. هل دة طبيعي؟".

رحمة أحمد ف يدور مربوحة

وكان كريم فهمي قد دافع عن رحمة أحمد متهمًا أنها تتعرض لحملة ممنهجة في منشور على "فيسبوك" قرأ: "اللجان مرعبة. لو مش قادر خلاص، ادفع عشان اللجان تشكر فيك بس أمانة عليك بلاش تأذي ممثل أو ممثلة في رزقه .. اتنافسوا بشغلكوا مش بلجانكوا".

يذكر أن كريم فهمي ظهر في رمضان 2023 كضيف شرف في الحلقة الأولى من مسلسل "سره الباتع" في دور والد "حامد" أحمد فهمي.

كما ظهر كضيف شرف في مسلسل "الكتبية 101" وقدم دور الضابط عاصم محمد عصام.

مسلسل "الكبير أوي 7" يعرض عبر قناة On وقناة art بالإضافة إلى منصة Watch It.
يمكن مشاهدة جميع حلقات مسلسل "الكبير أوي 7" عبر قناة On وقناة ON دراما في المواعيد التالية:
موعد العرض الأول: الساعة 6:15 مساء.
موعد الإعادة الأولى: الساعة 12:30 بعد منتصف الليل.
يعرض المسلسل على قناة حكايات الساعة 6:10 بعد أذان المغرب مباشرة.
موعد الإعادة الأولى: الساعة 12:30 بعد منتصف الليل.
موعد الإعادة الثانية: 6:30 صباحا.
موعد الإعادة الثالثة: الساعة 12:30 ظهرا.