شذى عن مذيعة هاجمتها: بحس ريحتها وحشة (فيديو)

نهال ناصر | فى سينما وتلفزيون

شذى

الاثنين , 3 أبريل 2023 - 15:08 | اخر تحديث: الاثنين , 3 أبريل 2023 - 15:08

تحدثت الفنانة شذى عن مذيعة هاجمتها من فترة وقالت إنها تشعر أن رائحتها سيئة.

وخلال لقائها في برنامج "القاهرة اليوم" من تقديم مروة صبري قالت شذى: بحسها ريحتها وحشة، وبعدين الشعر الأصفر كتير أوي ممكن تحط درجات تانية زيتي على أزرق يظبط الدنيا وبعدين دا اكستنشن في إيدينا نغيره لو شعرها مش هتكلم، لكن أحنا بنلعب في شعر مش بتاعنا، وأنا بحط اكستنشن عادي يا جماعة.

وتابعت: أنا مش جريئة أنا بقول الحقيقة هو لازم اللي أقوله برا الهواء مقولوش على الهواء.

نرشح لك: من صدمة الطفولة إلى الطلاق .. 4 تشابهات بين شخصيتي أمينة خليل في "الهرشة السابعة" و"خلي بالك من زيزي"

<p>="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true">

وأوضحت شذى أن هذه المذيعة هاجمتها دفاعا عن حسن شاكوش وقالت: أنا الجمهور بعتلي بوست كتبته عني ومكنتش فاكراها، بعدين افتكرت فيديوهاتها وهجومها على الناس، أنا مش بهاجم شخص من نفسي برد على أي شخص هاجمني، وهي كانت بتدافع عن حسن شاكوش عشان عزمها مرة على العشاء، هو مالوش ذنب في اللي حصل.

على جانب آخر، كانت شذى هاجمت مغني المهرجانات حسن شاكوش بعد ظهوره في برنامج "العرافة" مع الإعلامية بسمة وهبة، بعد سخريته منها وأنه لا يعرفها ولا يعرف أنها مغنية ولا يتذكر اسم أي أغنية من أغانيها.

وكتبت شذى عبر حسابها على Facebook موجهة كلامها لحسن شاكوش وقالت: طب أنت مستفز يا شكشك بدل كلمة مستفز بتعصبك ودكتورة بسمة وهبة علشان هي ست شيك، قالتلك شذى فنانة زميلة علشان تجبر بخاطرك بس الحقيقة أنت لا فنان ولا زميل بالنسبالي خالص، أنت مؤدي وبالنسبالي صوتك مزعج أنما فنان زميل دي أنا اعترض عليها بشدة ودي الحقيقة.

طالع أيضا: شذى تهاجم حسن شاكوش: صوتك مزعج وفاضحنا في العالم

وتابعت: أصلا مينفعش تسأل مين دي مش علشان لازم تكون عارفني بيني وبينك اريح لو متعرفنيش وتعمل الشويتين بتوع اه عارف اسمها ومش عارف أغانيها ومال شكلها اتغير كده ليه وجو 3 ورقات ده، لأن الرد موجود ما أنا لو محدش فاكرني ولا عرفني مش هيجيبوا كلامي ويعرضهولك يا جال، وأصلا أسماء الأغاني اللي أنت قولتها دي تتكتب على تكاتك متعملش فيها بيتهوفن والنبي ومش معنى أن في هيصه الفترة دي على اللون ده أن أنت واللي زيك صناع المزيكا في مصر أبدا والله انتوا فاضحنا في العالم كله بردائه المزيكا اللي بتقدموها.

وكانت بسمة وهبة سألت حسن شاكوش عن شذى والانتقادات التي وجهتها له لأنه لا يجيد الحديث وقال عنها: هي بتغني؟.. هي دي مغنية؟.. بتغني إيه؟؟؟ معرفهاش والله العظيم، أنت حافظة لها أغاني، ربنا يتولاها، أنا مش مستفز زي ما هي بتقول، أنا بتكلم بطبيعتي ومبحضرش، لكن أنا مبغلطش، ومش بحب أكون FAKE.