لو سجدت قدامه كنت هشيله الذنب.. أول رد من زوجة حسن شاكوش على انتقادات سجودها يوم الزفاف

مروة لبيب | فى سينما وتلفزيون

زوجة حسن شاكوش

الاثنين , 27 مارس 2023 - 20:03 | اخر تحديث: الاثنين , 27 مارس 2023 - 20:03

ردت ريم زوجة مغني المهرجانات حسن شاكوش على واقعة سجودها في حفل زفافها والذي أثار الكثير من الجدل.

وخلال لقائها في برنامج "العرافة" مع زوجها حسن شاكوش قالت ريم إنها تعرضت لمحن كثيرة قبل خطبتها لشاكوش لذا كانت على قيام الليل.

نرشح لك - القائمة الكاملة لمسلسلات رمضان 2023 مواعيد وقنوات عرضها

وأضافت ريم "فوجئت بأمي بتقولي إن حسن جاي يتقدملي فقررت السجود شكرا لله مرتين بعد قيام الليل وكان صعبان عليا أوي إني ملهية في موضوع الفرح ومبصليش، وكان بقالي أسبوعين قبل الفرح مش مركزة غير إني أثبت للناس إن ربنا بيعوض ومفيش حاجة اسمها تتظلمي وربنا ميديكش حقك".

زوجة حسن شاكوش

وأشارت ريم إلى أنها كانت تركز على السجود لله ليلة الفرح دون الاكتراث لإطلالتها مضيفة "لو سجدت قدام حسن كنت هشيله الذنب، لكن ولا أهلي ولا أهل حسن ولا أصحابي عارفين اللي بيني وبين ربنا، وكان لازم أبين للناس إن في ربنا وتعويض مكنتش قادرة أتنفس ومش مرتاحة مش مركزة غير أعمل ده، وصاحبتي قالت لي هتتبهدلي، لكن قلت لها مش هحضر الفرح غير كده".

زوجة حسن شاكوش

وتابعت: "مركزتش مع حد وبعد ما قمت أنا ارتحت وأخدت نفسي، اللي مع ربنا مش بيشغله حد، أنا مش شيخ لكن أنا بحب ربنا وأحب أقرب منه، حتى لو مش ديمًا برجع له، دي حاجة مينفعش أعمل بيها شو".

واختتمت ريم "أنا مش واحدة جاهلة ومخي واقف عشان حسن يجي يقول لي ريم أسجدي.. كده كده الفرح هيطلع تريند ده حسن شاكوش، مكنتش محتاجة ولا في دماغي أصلا، معرفش يعني إيه تريند".

أحصل على التطبيق

FilFan.com يتم تطويره و ادارته بواسطة إعلن معنا

لو سجدت قدامه كنت هشيله الذنب.. أول رد من زوجة حسن شاكوش على انتقادات سجودها يوم الزفاف

مروة لبيب | فى سينما وتلفزيون

الاثنين , 27 مارس 2023 - 20:03 | اخر تحديث: الاثنين , 27 مارس 2023 - 20:03

نرشح لكم

أهم الأخبار

احدث الفيديوهات المزيد