أحمد سعد: ما دخلتش ثانوية عامة..هو في فنان يفهم في الكيميا والفيزيا

مي جودة | فى حياة المشاهير

أحمد سعد

الخميس , 19 يناير 2023 - 20:01 | اخر تحديث: الخميس , 19 يناير 2023 - 20:01

حل النجم أحمد سعد ضيفا على برنامج "هذا مكانك" المعروض على قناة SBC السعودية.

وخلال الحلقة، تطرق الحديث إلى دراسة أحمد سعد، وقال: "أنا ما دخلتش ثانوية عامة، لأن التقديم في معهد موسيقى عربية، بعد مرحلة الإعدادية ولمدة 7 سنين، وهو في فنان يفهم في الكيميا والفيزيا، دي حاجات صعبة على مستوى تفكير فنان".

أحمد سعد

وأكد سعد أنه لا يقيم نفسه بين النجوم، قائلا: "أنا عندي توفيق كبير السنة دي، وغريب يكون عندك 4 أغاني كلهم ناجحين، لأن 4 أغاني في سنة واحدة نجاح كبير أوي وليفل أعلى من أي ليفل في حتة لوحده، لكن الناس دي تاريخ كبير وعدد سنين نجاحات، مش علشان نجحت مرة تبقى قد أكبر واحد فضل ناجح على مدار سنين، لأن الاستمرار هو أساس النجاح".

حفل أحمد سعد في العاصمة الإدارية

وتحدث سعد عن سر نجاحه قائلا: "أمي دعت لي وزوجتي وشها خير عليا، وبتدخل في كل حياتي، وكان وشها قدم السعد وبتحبني أطلع بشكل معين ودايمًا مركزة معايا".

حفل أحمد سعد في العاصمة الإدارية

وأضاف: الناس اللي بتحبك بيكون نصيحتهم ليك خالصة مفيهاش شوائب، وطريقة النصيحة غريبة وصعبة لأني شخص مش بحب النقد، وهي بتنتقدني ليه عملت كده في الوقت ده وأنا أطلع مبررات بعد 10 دقايق أحس كلامها مظبوط.

حفل أحمد سعد في العاصمة الإدارية

من ناحية أخرى، طرح أحمد سعد أول أعماله الغنائية في 2023 وهى أغنية "يا عراف" التي يتعاون فيها مع الفنان أحمد زعيم، والفنان التونسي نوردو، من كلمات محمد الفقى وألحان أحمد زعيم وتوزيع موسيقى توما.