أوعي تنادي على جوزك بدون ألقاب...أحدث نصائح ياسمين عز للزوجات

مي جودة | فى حياة المشاهير

ياسمين عز

الجمعة , 6 يناير 2023 - 20:01

مازالت ياسمين عز مستمرة في تقديم نصائح للزوجات، كما أعلنت عن تخصيصها حلقة كاملة بعنوان "تفخيم الزوج".

وقالت ياسمين عز: "ليه بتنادي على جوزك بدون ألقاب، أنا هعمل لكم حلقة بعنوان تفخيم الزوج، قوليله يا أستاذ محمد تحب تشرب إيه، مفيش حاجة اسمها يا محمااا، أوعي ما تكمليش آخر حرف من اسم الراجل زي ما أنتِ ما تقبليش ياكل آخر حرف في اسمك، هل تقبلي يكون اسمك سماح وينادي عليكي بسمااا..قولي له أستاذ للتفخيم ومحمد للتنعيم الشتوي، وبنقول يا مش أيها، لأن يا للقريب الحبيب"، وذلك في برنامجها "كلام الناس" الذي يذاع عبر شاشة "MBC مصر".

ياسمين عز

وتابعت: مفيش حاجة اسمها جوزك أستاذ محمد بينزل السبت من البلكونة، لازم نحافظ على تفخيمه، أنا بعتذر لك الغي السبت أرجوكي ما ينفعش يقف في البلكون ينزل السبت أنتِ كده هتهزي كيانه.

أما المتزوجات من المهندسين، وجهت لهم نصيحة، قائلة: "لو جوزك مهندس لازم تحسسيه بالدفا والحنان لأن حياته كلها مربعات ودواير ومستطيلات، ومحتاج يرتاح، وبروزي اسمه بين قوسين مفخمين ومزركشين ومزينين، قولي له الباشمهندس وفخمي فيه قدام صحابك، قولي لصاحبتك أن فتح ليكي البلكونة اللي في التجمع على النيل وبقيت الشوف النيل من بلكونتي لأنه راجل خارق يقدر يعمل أي حاجة".

الإعلامية ياسمين عز

يذكر أن برنامج "كلام الناس" يعرض عبر شاشة "MBC مصر" من الخميس للأحد.

اقرأ أيضا:

سماح أنور: رمضان ملوش طعم من غير مقالب رامز جلال
عمرو دياب يطرح أول أغانيه في 2023 "مضحوك علينا"

نجل جورج وسوف يتعرض لوعكة صحية ... حالته حرجة وإليسا طالبت بالتبرع بالدم

الجمهور يلتف حول ياسمين عبد العزيز في كواليس تصوير "ضرب نار" (فيديو)

لا يفوتك: تحليل النغمات مع عمك البات- تقييم أغنية "السهر والانبساط" لأكرم حسني وحمدي الشاعري وهشام عباس

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5